तुलसीपुर, २० माघ | तुलसीपुरमा जारी तुलसीपुर महोत्सव एक दिन थप गरिएको छ । महोत्सवमा दैनिकजसो दर्शक बढ्दै जानथालेपछि महोत्सव थप एक दिन संचालन हुने भएको हो ।
दर्शकको मागलाई मध्यनजर गरी तुलसीपुर भोलीसम्म महोत्सव संचालन गरिने आयोजन तुलसीपुर उद्योग वाणिज्य संघका अध्यक्ष बिरबहादुर रावतले जानकारी दिनुभयो । महोत्सवमा आज प्रमोद खरेल ,हरि विष्ट, करण न्यौपाने, रेश्मा पुन, अमृत परियार , ऋतु तामाङ लगाएतका कलाकारको प्रस्तुती रहने संचार संयोजक शरद रेग्मीले जानकारी दिनुभयो ।
टरिगाँउ विमानस्थलको स्तरोन्नती तथा बहुआयामिक सभाहल निर्माणका लागि तुलसीपुरमा माघ १० गतदेखि तुलसीपुर महोत्सव संचालन गरिएको छ । महोत्सवबाट स्थानीय तथा घरेलु उत्पादनको प्रवद्र्धन गर्ने र घुम्न जाऔँ तुलसीपुर अभियानलाई सफल बनाउने उद्देश्य पनि राखिएको छ । महोत्सवमा करिब १५ करोडको कारोबार हुने र एक करोड संकलन गर्ने लक्ष्य राखिएको छ ।...