प्रमुख समाचार

दाङ, ६ मंसिर । रुपन्देहीमा उद्योग सञ्चालन गरिरहेको अर्घाखाँची सिमेन्ट कम्पनीले पाल्पामा वन अतिक्रमण गरेर अवैध चुनढुंगा उत्खनन कार्य गर्दै आइरहेको छ । पाल्पाको डिभिजन वन कार्यालयले अर्घाखाँची सिमेन्टका सञ्चालक सहित उक्त कम्पनीमा चुनढुंगा आपूर्ति गर्ने ठेक्का लिएको सिद्धार्थ मिनिरल्स विरुद्ध जिल्ला अदालत पाल्पामा मुद्दा समेत परेको छ । अध्यक्ष पशुपति मुरारकासहितका सञ्चालकरु र चुनढुंगाा सप्लाई गर्ने सिद्धार्थ मिनिरल्सविरुद्ध डिभिजन वन कार्यालय पाल्पाले मुद्धा दायर गरे पनि त्यसको अवज्ञा गर्दै अतिक्रमित क्षेत्रमा उत्खनन कार्य जारी राखेको छ । अर्घाखाँची सिमेन्टका सञ्चालक सहित चुनढुंगा उत्खनन गर्ने सिद्धार्थ मिनिरल्सलाई प्रतिवादी बनाइएको कात्तिक २३ गते दायर गरिएको मुद्धामा मंगलबार बयान समेत लिइसकिएको छ । अर्घाखाँची सिमेन्टको चुनढुंगा आपूर्तिकता सिद्धार्थ मिनिरल्सले पाल्पाको तिनाउ गाउँपाल...

अमरराज आचार्य दाङ, ५ मङ्सिर । निर्माण व्यवसायीहरूलाई भुक्तानी गर्न प्रदेश सरकारले भाका सार्दै आएको छ । गत आर्थिक वर्षमा निर्माण सकेर बिल पेस गरेका व्यवसायलीलाई प्रदेश सरकारले भुक्तानी गर्न भाका सार्दै आएको छ । चालु आथिक वर्ष सुरु भएपछि भुक्तानी दिने भनिएको थियो, त्यसपछि दसैँमा दिने भनियो, दसैँमा पनि काम गरेको भुक्तानी दिइएन । त्यसपछि तिहारमा दिने भनिएको थियो तर व्यवसायीहरूले तिहारमा भुक्तानी पाउन सकेनन् । उनीहरूले हालसम्म पनि आफूले काम गरेको बिल पेस गरेको भुक्तानी पाउन नसकेको दाङ निर्माण व्यवसायी संघका अध्यक्ष प्रवीणकुमार भण्डारीले बताए । ‘प्रदेश सरकारले पटक–पटक भुक्तानीका लागि भाका सार्दै आएको छ’, अध्यक्ष भण्डारीले भने, ‘भुक्तानी कहिले पाइने भन्ने कुनै टुङगो छैन् ।’ चालु आर्थिक वर्षको पहिलो चौमासिक सकिँदा समेत निर्माण व्यवसायीले अघिल्लो आर्थिक वर्षको भुक्तानी पाउन सकेका छैनन्...

दाङ, ४ मंसिर । भाइरल मेडिकल व्यवसायी दुर्गा प्रसाईँ पक्राउ परेका छन् । भक्तपुरस्थित घरबाट उनलाई सीआईबीको टोलीले भर्खरै पक्राउ गरेको हो । प्रसाईंले ‘फेक डकुमेन्ट’को सहारामा प्रधानमन्त्री केपी शर्मा ओलीविरुद्ध दुष्प्रचार गरेका थिए ।

चुमा आचार्य दाङ, ४ मंसिर । दाङ जिल्लाको दक्षिण सीमानामा बसोबास गर्ने नाकावासीले नेपाली भूमिमा रहेर पनि दैनिक जीवनको किनमेलका लागि भारतकै भर पर्नु परेको गुनासो गर्छन् । गढवा–८, खबरीनाका निवासी चन्द्रबहादुर बुढाले भने, “नेपालमा बस्छौं तर भारतकै भरोसामा बाँचेका छौं ।” यहाँका बासिन्दाहरू दैनिक उपभोग्य सामान, सञ्चार सुविधा र खानेपानीमा समेत भारतमै निर्भर छन् । कुनै समय व्यापारिक चहलपहलले भरिभराउ रहने दाङको कोइलाबास अहिले खण्डहर जस्तै छ । लमहीदेखि ३३ किलोमिटर दूरीमा रहेको लमही–कोइलाबास सडक लगभग ४ वर्षअघि कालोपत्रे भए तापनि कोइलाबासको पुनर्जीवन हुन सकेको छैन । राजस्व संकलनमा विराटनगरपछि दोस्रो ठूलो मानिने यो नाका सडक सञ्जाल बने पनि व्यापार व्यवसायमा कुनै सुधार आउन सकेको छैन । अधिकांश स्थानीय बासिन्दा जीविकोपार्जनका लागि भारतकै भरमा बाँच्न बाध्य छन् । गढवा गाउँपालिकाका घङ्राल, भौंरीस...

दाङ, ३ मंसिर । दाङको विकट भनिने बबई गाउँपालिका–७ मलइबासीका लागि अहिले विगतमा जस्तो दुःख छैन । विगतमा सडकको सहज पहुँच नहुँदा स्ट्रेचर वा डोकोमा बोकेर बिरामीलाई अस्पताल लैजानुपथ्र्यो । बीचबाटोमा जङ्गल भएकाले जनावरको पनि उत्तिकै डर हुन्थ्यो । तर, अहिले सडकको पहुँचले धेरै सहज भएको छ । “पहिलो सडक नहुँदा धेरै गाह्रो थियो, चालु आर्थिक वर्षमा प्रदेश सरकारले सडक स्तरोन्नतिका लागि रु ५० लाख बजेट विनियोजन गरेको छ । उक्त बजेटबाट बर्खामा पनि सवारी चलाउन मिल्ने गरी सडक स्तरोन्नति गरिनेछ”, स्थानीय बमबहादुर बुढाले भन्नुभयो । उहाँले प्रदेशसभा सदस्य धनबहादुर मास्कीलाई अनुरोध गरेपछि बजेट विनियोजन भएको उल्लेख गर्दै बजेटलाई बहुवर्षीय बनाउने गरी पहल भइरहेको बताउनुभयो । साथै पछिल्लो समय यहाँ सञ्चारको पनि सुविधा पुगेको छ । केही वर्षअघिसम्म फोन गर्नका लागि दुई घण्टा हिँडेर डाँडोमा जानुपथ्र्यो । हाल कप्ता...

दाङ, ३० कार्तिक । स्थानीय तह उपनिर्वाचन अन्तर्गत लुम्बिनी प्रदेशका रिक्त ६ पदमा मंसिर १६ चुनाव हुँदैछ । रिक्त ६ पदमध्ये यसअघि कांग्रेसले ४ र माओवादीले २ स्थानमा जितेका थिए । कांग्रेस र माओवादीलाई यसअघि आफूले जितेका सिटमा विरासत जोगाउने चुनौती रहँदा एमाले भने जित हासिल गरी फाइदा उठाउने दाउमा छ । एमाले र माओवादी केन्द्रले उम्मेदवार टुङ्ग्याएका छन् भने नेपाली कांग्रेसले रुकुम पूर्वको पुथा उत्तरगङ्गा गाउँपालिका उपाध्यक्ष र सोही पालिकाको वडा नं २ बाहेक अन्य ठाउँमा उम्मेदवार टुङ्ग्याएको कांग्रेसका लुम्बिनी प्रदेश कोषाध्यक्ष प्रकाश रानाले जानकारी दिनुभयो । रोल्पाको रुन्टीगढी गाउँपालिका वडा नम्बर४ मा कांग्रेसका टङ्कबहादुर पुन ४८८ मत पाएर अघिल्लो निर्वाचनमा विजयी हुनुभएको थियो । उहाँका प्रतिस्पर्धी एमालेका बेगम पुनले ४८० र माओवादीका शिवलाल रोकाले २०३ मत पाउनुभएको छ । अहिले नेपाली कांग्रेस...

दाङ, २९ कार्तिक । रुकुम पश्चिमको आठबिसकोट नगरपालिका–३ खदी गाउँको करिब ३०० रोपनी खेतीयोग्य जमिन अहिले बाँझो छ । गाउँका युवा उच्च शिक्षा र रोजगारीका लागि गाउँ छोडेर सहर तथा विदेश जान थालेसँगै यहाँको खेतीयोग्य जमिन बाझिँदै गएको हो । एक दशअघिसम्म खदी गाउँका खेतमा प्रशस्त अन्न, तरकारी र फलफूल उब्जन्थ्यो । अहिले युवा शक्तिको अभावमा करिब ४५० परिवारको अधिकांश जग्गा बाँझो रहेको स्थानीय बुद्धिजीवी हरिबहादुर बुढामगरले बताए । खदी गाउँको कालजुरा, लहाँ, चिन्चौर, बाँस्तला बजिनीलगायत गाउँका अधिकांशले आजभोलि खेती गर्न छोडेका छन् । बुढामगरले भने, ‘जनशक्ति अभावले खदीका स्थानीय खेतीयोग्य जमिन बाँझै छाड्न बाध्य छन् । अध्ययन र रोजगारीका सिलसिलामा युवा पलायन हुँदा खुदी गाउँको रौनक हराएको छ ।’ तलि, सल्लेरी र पाटा गाउँ मिलेर खदी गाउँ बनेको छ । कुनै बेला युवा बाहुल्य रहेको खदी गाउँमा आजभोलि बिस्तारै बस्ती...

अमरराज आचार्य दाङ, २९ कात्तिक । विद्युतको रकम नतिरेको भन्दै नेपाल विद्युत प्राधिकरणले सिमेन्ट उद्योगको काटिएको लाइन २० दिनपछि जोडिएको छ । केन्द्रको निर्देशन अनुसार जिल्लामा लाइन काटिएका उद्योगहरूमा लाइन जडान गरिएको नेपाल विद्युत प्राधिकरण घोराही वितरण शाखाका सहायक इन्जिनियर नन्दलाल शर्माले जानकारी दिए । केन्द्रले लाइन जोडिदिन भनेपछि बुधवार दिउँसो लाइन जडान गरिएको उनको भनाइ छ । रकम नतिरेको भन्दै नेपाल विद्युत प्राधिकरण घोराही वितरण शाखाले घोराही सिमेन्ट उद्योग र सोना सिमेन्ट उद्योगको लाइन काटिदिएको थियो । विद्युतले गत कात्तिक ८ गते उद्योगको लाइन काटेको थियो । घोराही सिमेन्ट उद्योगको ५० करोड ८५ लाख ३५ हजार तीन सय ४२ रुपैयाँ वक्यौता रकम तिर्न बाँकी रहेको विद्युत प्राधिकरण घोराही शाखाले जनाएको छ । यता सोनापुर सिमेन्ट उद्योगको २४ करोड २९ लाख ९९ हजार दुई सय ७४ रुपैयाँ वक्यौता रकम तिर्न...

दाङ, २७ कार्तिक । सर्वोच्च अदालतबाट ज्यान मार्ने उद्योगमा दोषी ठहरिएका गण्डकी प्रदेशका सांसद दीपक मनाङे उर्फ राजीव गुरुङलाई डिल्लीबजार कारागारमा राखिने भएको छ । आज बिहान स्वयम्भू, सानोभर्‍याङस्थित कम्फोर्ट हाउजिङबाट सीआईबीको टोलीले उनलाई पक्राउ गरेको थियो । २०६१ वैशाख ३१ गते काठमाडौंमा चक्रे मिलन भन्न मिलन गुरुङलाई धारिलो हतियार प्रहार गरी ज्यान मार्ने उद्योग गरेको मुद्दामा मनाङेलाई उच्च अदालत पाटनले ५ वर्ष कैद सजाय तोकेको थियो । उक्त फैसलालाई यही कात्तिक २० गते सर्वोच्च अदालतले सदर हुने ठहर गरेपछि प्रहरीले मनाङेलाई पक्राउ गरेको हो । मनाङेले २८ महिना कैद भुक्तान गर्नुपर्ने छ । उनलाई भएको ५ वर्षको सजायमध्ये दुईपटक गरेर ३२ महिना जेल बसिसकेका छन् । सुरूमा जिल्ला अदालतले गरेको २ वर्षको सजया उनी काटेर मात्र छुटेका थिए । तर, उच्च अदालत पाटनले ५ वर्ष सजाय गरेपछि मनाङ्गे पुन: प...

दाङ, २५ कार्तिक । गण्डकी प्रदेशका पूर्वमन्त्री एवं प्रदेशसभा सदस्य राजीव गुरुङ (दीपक मनाङे) अहिले प्रहरीको नजरमा ‘फरार’ छन् । उनको खोजीका निम्ति काठमाडौंमा दुई र कास्कीमा एक गरी तीनवटा प्रहरी युनिट लागिपरेको छ । तर, भेटिएका छैनन् । २०६१ वैशाख ३१ गते महाराजगञ्ज, पानीपोखरीस्थित चाइनिज चुफाङ रेष्टुरेण्टमा अर्का गुण्डा नाइके चक्रे मिलनमाथि धारिलो हतियार (तरबार) प्रहार भएको घटनामा उनीमाथि पाँच वर्षको कैद तोकिएको छ । उक्त घटनामा उनी मुख्य योजनाकार हुन् भन्दै चक्रेपत्नी इन्दिरा गुरुङले दिएको जाहेरीका आधारमा मुद्दा चल्दै आएको हो । मंगलबार सर्वोच्च अदालतले उच्च अदालत पाटनको पूर्वआदेश सदर गर्दै पाँच वर्ष कैद किटान गरिदियो । त्यही साँझदेखि मनाङे सार्वजनिक सम्पर्कभन्दा बाहिर छन् । समातिनु-छुट्नु त के हो र….. ०६१ सालको घटनायता मनाङेको जिन्दगी अरुणा लामाले गोपाल योञ्जनको शव्द र संगीतमा गाएक...