व्यापार/व्यवसाय

दाङ, ३ मंसिर । दाङ जिल्ला उद्योग वाणिज्य संघको कार्यालय घोराहीमा नाप तौल नेपालगञ्जको टोलीले शिविर शुरु गरेको छ । नापतौलका उपकरण दर्ता तथा नवीकरण गर्न टोली आएको संघका अध्यक्ष वसन्त जोशीले जानकारी दिनुभयो । उहाँले ढक तराजु जाँच गराउन व्यवसायीलाई आग्रह गर्नुभयो । नेपाल सरकारले नापेर वा तौलेर मात्र कारोवार हुने भनी गरेको निर्णय वा निर्देशन नमानेमा पाँचदेखि १० हजार रुपैयाँसम्म जरिवाना हुने व्यवस्था छ । स्टयान्ड नाप वा तौल ऐन बमोजिम उक्त सजाय हुने भनिएको छ । अनुगमनका क्रममा त्यस्तो नभेटियोस् भनेर संघले नापतौल शिविर चलाउन पहल गरेको अध्यक्ष जोशीले बताउनुभयो । हरेक वर्ष केही दिन शिविर चल्दै आएको छ । यस वर्ष पनि आइतबारदेखि शुरु भएको शिविर व्यवसायीको आवश्यकता अनुसार चल्ने छ । व्यवसायी वा व्यापारीले नापतौल उपकरण खरिद गरेको ३५ दिनभित्र अनुमति पत्र नलिएमा जरिवानादेखि जफत हुनेसम्मको कानुनी व्यवस्था छ...

दाङ, २ मंसिर । नेपालको सिमेन्ट उत्पादन क्षेत्रमा अग्रणी संस्था घोराही सिमेन्ट इन्डस्ट्रीले 'ढलाई मिक्स पीपीसी सिमेन्ट' बजारमा ल्याएको छ ।नेपाली बजारमा यस प्रकारको सिमेन्ट पहिलोपटक ल्याएको जनाउँदै कम्पनीले नेपाली निर्माण सामग्री उद्योगमा नवप्रवर्तनको ढोका खोल्ने विश्वास व्यक्त गरेको छ ।गहिरो अध्ययन तथा अनुसन्धानका साथै उच्च प्रविधिबाट उत्पादन गरिएको सिमेन्ट, विशेषतः व्यक्तिगत घर निर्माणकर्तालाई लक्षित गरिएको छ । कम्पनीका अनुसार यस उत्पादनको प्रमुख विशेषता प्रारम्भिक मजबुती, उच्च टिकाउपन र छिटो सेट हुने रहेको छ । जसले घरका बिम, स्ल्याब, जग र पिल्लरको निर्माणलाई सुरक्षित, गुणस्तरीय र भरपर्दो बनाउनेछ । यस सिमेन्टले व्यक्तिगत घर निर्माणकर्तामा निर्माणमा उच्च गुणस्तरीय संरचनात्मक मजबुती र लगानीको अधिकतम प्रतिफल प्राप्त गर्ने विश्वास कम्पनीको छ । गुणस्तरमा सम्झौता गर्नुपर्ने आर्थ...

रुकुमपश्चिम, १ मंसिर । रुकुम पश्चिमको प्रसिद्ध डिग्रे मेला सकिएको छ । कात्तिक २७ गते हरिबोधिनी एकादशी देखि सुरु भएको मेला शुक्रबार सकिएको हो । मुसिकोट नगरपालिका वडा नम्बर ५ स्थित डिग्रे मन्दिर परिसरमा यो वर्ष एकादशी देखि शुक्रबारसम्म १ लाख हाराहारीमा दर्शनार्थीले मन्दिरको दर्शन तथा पूजा पाठ गरेको मन्दिर व्यवस्थापन समितिका अध्यक्ष लालबहादुर केसीले जानकारी दिनुभयो । मन्दिरमा पूजापाठ गर्ने देखि अन्तिम दिन मेला भर्नेसम्म गरेर उक्त व्यक्तिहरू डिग्रे पुगेको अनुमान समितिको छ । पूजापाठ तथा मेला भर्नका लागि रुकुम पश्चिम सहित छिमेकी जिल्लाहरू रुकुम पूर्व, सल्यान, जाजरकोट, सुर्खेत, रोल्पा, दाङ लगायतका छिमेकी देश भारतबाट समेत दर्शनार्थीहरु पुग्ने गरेको समितिले जनाएको छ । डिग्रे मन्दिरमा वर्षैभरि पूजापाठ तथा दर्शन गर्न मिल्छ । त्यस्तै बोकाको बलि समेत चढाउन मिल्छ । तर वर्षमा पाँच दिन कार्ति...

  प्युठान, २७ कार्तिक । स्थानीय स्तरमा प्रशस्त मात्रामा पाइने कोदोबाट मदिरा बनाएर बिक्री गर्न स्थानीय पालिकाले पहल थालेका छन् । गौमुखी गाउँपालिकाले कोदोको रक्सीको ब्रान्डिङ थालेको छ । गौमुखी गाउँपालिकाका उपाध्यक्ष महावीर रानाले पालिकाले चालु आर्थिक वर्ष २०८१/८२ मा विनियोजन गरेको बजेटबाट कोदोको रक्सीको ब्रान्डिङ थालेको बताउनुभयो । गौमुखी गाउँपालिका–३, रजबारामा स्थानीय समूहले उत्पादन गरेको रक्सीको ब्रान्डिङ गरिएको उहाँको भनाइ छ । कोदोको रक्सीलाई प्रवर्धन गर्ने गरी गौमुखी गाउँपालिकाले ४० युपिभन्दा माथिका मदिरा बिक्री वितरणमा रोक लगाएको छ । साउन १ गतेदेखि त्यस्ता मदिरा पालिकाभित्र बिक्रीवितरणमा रोक लगाएको गाउँपालिका उपाध्यक्ष रानाले बताउनुभयो । गौमुखी गाउँपालिकाका सबै वडामा प्रशस्त मात्रामा कोदो फल्ने गर्दछ । अहिले कोदोबाट घरेलु मदिरा उत्पादन हुँदै आएकोमा त्यसलाई नयाँ प्रव...

रुकुम पश्चिम, २७ कार्तिक । रुकुम पश्चिमको प्रसिद्ध धार्मिक डिग्रे मेला आजदेखि सुरु हुँदै छ । मुसिकोट नगरपालिका, ५–थर्पुमा रहेको डिग्रे साइकुमारी मन्दिर परिसरमा आज हरिबोधिनी एकादशीको दिनदेखि मेला सुरु हुने भएको हो । डिग्रे मन्दिर व्यवस्थापन समितिका अनुसार हरेक वर्ष कार्तिक पूर्णिमाका दिन विशेष मेला लाग्ने भए पनि एकादशी देखि नै मेला सुरु गरेको छ । यो वर्ष कार्तिक ३० गते मुख्य मेला परेको मन्दिर व्यवस्थापन समितिका अध्यक्ष लालबहादुर केसीले जानकारी दिनुभयो । हरेक वर्ष ५ दिन मेला लाग्ने भए पनि यो वर्ष भने तिथि घटबढका कारण कार्तिक २७ गते देखि ३० गतेसम्म ४ दिन मेला परेको उहाँले बताउनुभयो । यो मन्दिरमा वर्षैभर पूजाआजा र बलि चढाउने भए पनि हरिबोधिनी एकादशी देखि पूर्णिमासम्म विशेष तरिकाले पूजाआजा हुन्छ भने बलि चढाउनेको सङ्ख्या पनि धरै हुन्छ । एकादशीदेखि चतुर्दशीसम्म विशेष पूजाआजा हुन्छ भने...

दाङ, २६ कात्तिक । दाङको तुलसीपुर स्थित लक्ष्मी होम डेकोरले ग्रहाकलाई पुरस्कार दिएको छ । विजयादशमी, शुभदीपावली तथा छठ पर्वको अवसरमा ग्राहकहरूलाई पुरस्कार प्रदान गरेको हो । डेकोरेशनका सामग्री खरिद गरे वापत कुपन प्रदान गरिएको र सोही आधारमा विजेता घोषणा गरि पुरस्कार प्रदान गरिएको हो । जसमा कमल थापाले तेस्रो पुरस्कार नगद पाँच हजार , दोस्रो पुरस्कार सुशिला बस्नेतले सिङ्गल दराज र प्रथम पुरस्कार सोफा र टि टेबल दीपिका बस्नेतले प्राप्त गरेकी थिइन् । पुरस्कारको आइतबार एक कार्यक्रम गरि वितरण गरिएको हो । डेकोरका सञ्चालक हरि प्रसाद ओलीको अध्यक्षतामा तथा तुलसीपुर उद्योग वाणिज्य सङ्घका अध्यक्ष बिनिल केसीको प्रमुख आथित्यतामा कार्यक्रम गरिएको हो । त्यस अवसरमा सञ्चालक वलीले आगामी दिनमा पनि यस्ता अफरहरु ल्याउने बताए । उनले विगतमा पनि कोरोना महामारी होस्, वा अन्य आपतविपदमा पनि सामाजिक कार्य गर्दै आएक...

दाङ, १७ कार्तिक । घोराही उपमहानगरपालिका–१४ झिंगौराका जुठे बादीलाई हिजोआज मादल बनाएर बिक्री गर्न भ्याइनभ्याइ छ । उनी यस वर्षको दशैं र तिहारको हालसम्म नयाँ मादल बिक्री र पुराना मादलको मर्मतगरी डेढ लाख बढी आम्दानी गरेको बताउँछन् । पछिल्लो समय नयाँ मादल खरिद गर्ने भन्दा पुराना मादल खरिदका लागि आउने गरेको उनले सुनाए । 'पुराना मादल मर्मत गर्दा कम समयमा पनि राम्रो आम्दानी हुने गर्दछ । अरू बेला सुनसान हुने हाम्रो व्यवसाय दशैं–तिहारको अवसरमा बढोत्तरी हुन्छ । दशैंमा नाच्ने र तिहारमा देउसी–भैलो खेल्नका लागि मादलको माग बढी हुने गरेको छ । जसले गर्दा राम्रो आम्दानी हुन्छ,' बादीले भने । आम्दानी मात्रै होइन आफ्नो पुस्ताले यो पेसा नै संरक्षण गरिरहेको उनको भनाइ छ । 'पछिल्लो समय मादल बनाउन जानेको मानिस पाउन समस्या छ । मैले सानैमा बुबा–बाजेबाट मादल, बाँसुरी र ढोलक बनाउन सिके, त्यही सीपले अहिले दैनिकी च...

तुल बहादुर कवँर मगर दाङ, १५ कार्तिक । दाङको राप्ती गाउँपालिकाले स्थानीय स्तरमा उत्पादन हुने प्राकृतिक पुष्प प्रयोगमा जोड दिदै प्लास्टिकका फूल मालामा पूर्ण रुपमा बन्देज लगाउने निर्णय गरे सँगै बजार अनुगमन थालेको छ। गाउँपालिकाले मंगलबार र बुधबार भालुबाङ,पाखापानी,लालमटिया,माैरीघाट,पिपरी,सिसहनियाँ र पत्थरगढवा बजार क्षेत्रको अनुगमन गरेको हाे। अनुगमनका क्रममा उक्त बजार क्षेत्रका केही पसलहरुबाट केही प्लास्टिकका मालाहरु जफत गरिएको छ। गाउँपालिकाले विगतका वर्षहरु देखि नै आफ्नो क्षेत्रभित्र खादा, प्लास्टिकजन्य माला, रबर, कोल्ड ड्रिंक्स, जंक फुड प्रयोग नगर्न र त्यस्ता बस्तुको सट्टामा स्थानीय उत्पादन प्रवर्द्धन गर्ने खाले बस्तु प्रयोग गर्न आग्रह गरेको थियो। यो कुरा फेरि स्मरण गराउँदै गाउँपालिकले केहीदिन अगाडि पुनःपालिका क्षेत्रभित्र प्लास्टिकका फूलमालाहरुमा पूर्ण रुपमा बन्देज लगाउने सूचना निका...

दाङ, १३ कार्तिक । घोराही उपमहानगरपालिका–१३ डुम्बरगाउँमा बस्दै आएकी रानीलाक बुढा हिजोआज सिन्कामारी रोटी बेच्नमा व्यस्त छिन्। उनले विगत दुई वर्षदेखि तिहार लक्षित सिन्कामारी रोटी बिक्री गर्दै आएकी छन् । विशेषगरी तिहारमा खाइने सिन्कामारी रोटी हिजोआज घोराही बजारसँगै नजिकका गाउँमा समेत बिक्री हुने गरेको छ । उनी रोटी डोकोमा बोकेर बिक्री गर्दै हिँड्छिन्। ‘खाली समय बसेरै खेर फाल्नुभन्दा व्यवसाय पनि भएको छ, अनि समयको सदुपयोग पनि’, उनले भन्छिन्, ‘तिहारलाई लक्षित यो व्यवसायबाट हुने आम्दानीले सन्तुष्ट छु ।’ गत वर्षको तिहारमा मात्र तीन दिदीबहिनी मिलेर दुई लाख रुपैयाँ बढीको रोटी बिक्री गरेको बुढाले बताउँछिन् । यो वर्ष अझ धेरै आम्दानी गर्ने उनको लक्ष्य छ । केही दिनयता दैनिक सातदेखि आठ हजार रुपैयाँ सम्मको रोटी बिक्री गर्दै आएकी छन् । हेर्दा आकर्षक, खानलाई स्वादिलो, सजिलो तथा तयारी खाजाका रूपमा प्...

दाङ, १२ मंसिर । दाङ जिल्ला उद्योग बाणिज्य संघले समग्र जिल्लाको विकासका बारेमा छलफल चलाउने भएको छ । संघको मंगलवार बसेको बैठकले यस्तो निर्णय गरेको हो । जिल्लाको बिकास संग सरोकार राख्ने बहु आयामिक परियोजना औद्योगिक क्षेत्र, भालुबाङ देखि तुलसीपुर सम्म को सडक बिस्तारको काम र दाङमा एरपोर्टको बिषयमा साझा एजेण्डा बनाउन यहि मंसिर २० गते सर्बदलिय सर्बपक्षिय भेला गर्ने निर्णय गरेको संघका महासचिव महेन्द्र बुढाथोकीले जानकारी दिए । भेला संघको हलमा आयोजना गरिने भएको छ । भेलामा जिल्ला भरिका स्थानीयपालिका, उद्योग वाणिज्य संघ, पत्रकार महासंघ, जिल्लामा क्रियासील सम्पुर्ण राजनितिक दल, नागरिक समाज तथा सरोकार वाला संघ संस्थाहरुको सहभागितामा छलफल आयोजना गर्ने भएको छ । बैठमा नेपाल उद्योग बाणिज्य महासंघको निमन्त्रणामा सहभागी हुन काठ्माण्डौ गएको बेला विभिन्न उद्योग बाणिज्यसंघहरु र महासंघ सँग भएका विभिन्न...