थारु समुदायको महान पर्व माघीको अवसरमा दाङको घोराहीमा दुई दिने प्रदेशस्तरीय माघी महोत्सव हुने भएको छ । थारु कल्याणकारिणी सभा दाङको अगुवाईमा विहीबार घोराहीमा बसेको सर्वपक्षीय भेलाबाट यस्तो निर्णय गरेको हो । यही पुस २७ र २८ गते आयोजना गर्न लागिएको माघी महोत्सवलाई भव्य र सभ्य बनाउनका लागि थारु कल्याणकारिणी सभा दाङको अध्यक्ष भुवन चौधरीको संयोजकत्वमा १५१ सदस्यीय मूल आयोजक समिति गठन गरिएको छ ।
थारु समुदायको मौलिक कला, संस्कृतिको संरक्षण तथा प्रवर्द्धन गर्ने उद्देश्यले आयोजना गर्न लागेको माघी महोत्सवमा मघौटा नाचलाई विशेष प्रस्तुत गरिने मूल आयोजक समितिका समितिको संयोजक भुवन चौधरीले जानकारी दिए । उनका अनुसार महोत्सवमा थारु परिकार घोङी, ढिक्री, अन्डी चामलको भात, माछा, सुंगुरको मासु लगायत विक्री वितरणको लागि स्टल राखिनेछ । त्यसैगरी महोत्सवमा थारु समुदायको परम्परागत हस्तकला, थारु भाषाको विभिन्न पु...