नवीन अभिलाषी
दाङ, पुस ६ । दहमा डुबेर दुई बालकको मृत्यु भएको छ । घोराही उपमहानगरपालिका वडा नं. १ मा रहेको किचेनी दहमा डुबेर दुई बालकको मृत्यु भएको हो । स्थानीय भुपेन्द्र घर्तिको ढाई वर्षीय छोरा युवराज घर्ति र बुद्धिराम घर्तिको छोरा ४ वर्षीय समिर घर्तिको मृत्यु भएको हो ।
उपचारका लागि राप्ती स्वास्थ्य विज्ञान प्रतिष्ठानमा ल्याएपनि अस्पतालले बचाउन सकेन । दिउसो करिव २ बजेतिर घटना भएको स्थानीयहरुले बताएका छन् । गाउँको नजिकै रहेको किचेनी दहमा दैनिक जसो बालबालिकाहरु खेल्ने गरेका थिए । तर घटना कसरी हुन पुग्यो भन्ने बारेमा अनुसन्धान हुने प्रहरीले बताएको छ ।
दुई बालकको शवलाई पोष्टमार्टमका लागि राप्ती स्वास्थ्य विज्ञान प्रतिष्ठानमा राखिएको छ । दुई बालकको मृत्यु भएपछि गाउँ शोकमा डुबेको छ ।