दिप्तीशिखा चौधरी,
दङ्गीशरण,२५ “थारु सस्ंकृती भेषभूषा हमार पहिचान,दङ्गीशरण गाउँपालिका हमार शान” भन्ने मूल नाराका साथ दङ्गीशरण गाउँपालिकामा हुन गईरहेको माघी महोत्सव २०७५ को तयारी अन्तीम चरणमा पुगेको छ । थारु समुदायको बाहुल्यता रहेको दङ्गीशरणमा थारु लोककला,लोकसस्ंकृतीको जगेर्ना गर्ने उद्धेश्यले यहि पौष २७ र २८ गते महोत्सव हुन लागेको हो । महोत्सव सफल पार्नका लागि छलफल तथा प्रचारप्रसारलाई तीव्र पारिएको महोत्सव मूल आयोजक समितीका संयोजक श्री प्रशाद चौधरीले जानकारी दिनुभएको छ । महोत्सवमा बिभीन्न थारु नाच सख्या नाच,मघौटा नाच,छोक्रा नाच,हुर्डुङ्ग्या नाच,महेट्या नाच,सजना,मागर,ढुमरु,रामबेहग्रा,मैना,वनगिढुवा र मुरुवा नाच प्रश्तुत गरीने मूल आयोजक समितीले जनाएको छ । साथै महोत्सवमा थारु लोककला भित्र पर्ने सामग्रीलाई प्रदर्शनीमा राखिने छ । यसैबिच थारु नाच प्रश्ततु गर्न चाहनेहरुले यहि पौस २६ गते सम्म नाम दर्ता गराउँन आग्रह गरिएको छ ।
