घोराही, २३ पुस | तुलसीपुर देखी हापुर जाने सडक कालोपत्रे भए पनि सवारीका साधनहरुले कच्ची सडककै भाडा उठाउने गरेका छन् । तुलसीपुरदेखि हापुरेसम्मको ९० रुपैयाँ भाडा निर्धारण गरिएको भए पनि पञ्चकुलेसम्म ८० रुपैयाँ भाडा लिने गरेका छन् ।
हापुरेसम्मको २१ किलोमिटरको भाडा ९० रुपैयाँ उठाउदै आएका छन् भने १८ किलोमिटर रहेको पञ्चकुलेसम्मको ८० रुपैयाँ भाडा लिने गरेको यात्रुहरुकाले बताएका छन् । सडक कालोपत्रे हुदा समेत भाडा समायोजन हुन सकेको छैन ।
भाडा महँगो हुँदा पनि स्थानीय प्रशासने चासो दिएका छैनन् भने स्थानीय सरकार पनि मौन रहेका छन् । जिल्ला स्तरमा प्रमुख जिल्ला अधिकारीको नेतृत्वमा भाडादर निर्धारण समिति भए पनि त्यसले पनि काम गर्न सकेको छैन् ।