सिंगापुरमा दुई साता लामो उपचारपछि प्रधानमन्त्री केपी शर्मा ओली शुक्रबार स्वदेश फर्कनुभएको छ । उहाँ थाई एयरवेजको विमानबाट दिउँसो १२ः ५ मा त्रिभुवन अन्तर्राष्ट्रिय विमानस्थल अवतरण गर्नुभएको हो ।
मिर्गौलासम्बन्धी उपचारका लागि ओली ५ भदौमा सिंगापुर प्रस्थान गर्नुभएको थियो ।
उहाँको सिंगापुरमा रहेको नेशनल युनिभर्सिटी अस्पतालमा सात चरणमा प्लाज्मा फेरसिस विधीबाट मिर्गौलाको उपचार गरिएको थियो ।