दाङ , २० भदौ । दाङ जिल्लामा महिला र बालबालिका हराउने क्रम बढेको छ । हराउने क्रम बढे पनि फेला पर्नेको संख्या भने न्यून रहेको छ । जिल्ला प्रहरी कार्यालयको महिला, बालबालिका तथा ज्येष्ठ नागरिक सेवा केन्द्रको तथ्यांक अनुसार हराएकाहरू कम मात्रै फेला पर्ने गरेको पाइएको हो ।
जिल्लामा आर्थिक बर्ष २०७६÷०७७ को साउन महिनादेखि आजसम्मको तथ्याङ्क हेर्दा ३४ महिला, १६ बालिका र १३ बालक हराएका छन् । जसमा ६ महिला, ५ बालिका र ५ बालक फेला परेका छन् भने अझै २८ महिला ११ वालिका र ८ जना बालक सम्र्पक बिहिन अवस्था रहेको जिल्ला प्रहरी कार्यालयको सेवा केन्द्रले जनाएको छ ।
जम्मा हराएका महिला, बालबालिकाको तथ्याङ्क हेर्दा ६३ जना मध्ये १६ जना मात्रै फेला परेका छन भने अझै ४७ जना महिला बालबालिका सम्र्पकमा आउन नकेको जनाईएको छ । आफ्नो परिवारका सदस्य हराएपछि खोजीका लागि प्रहरीलाई खबर गरे पनि फेला परेमा खबर नगर्ने प्रबृत्तीले भेटिनेको संख्यामा कमी देखिएको जिल्ला प्रहरी कार्यालय दाङले जनाएको छ ।