दाङ, १७ भदाै । तुलसीपुर उपमहानगरपालिकाले विद्यालय समयमा विभिन्न काम लिएर आउने शिक्षकलाई भेट गर्न नदिने भएको छ । मेयर घनश्याम पाण्डेले काजको वहानामा कतिपय शिक्षकहरु स्कुलको समयमा पनि स्कुलमा नवस्ने भएकाले यस्तो प्रवृत्तिको अन्त्यका लागि आफुले यस्तो कदम उठाउनु परेको वताउनुभयो ।
तुलसीपुर उपमहानगरपालिकाले शिक्षाको अवस्था सुधारका लागि शिक्षक मुल्यांकन प्रक्रिया अगाडी वढाउने भएको छ । उपमहानगरपालिकाले प्रधानाध्यापक र प्रधानाध्यापकले शिक्षकहरुसँग कामको करार सम्झौता गर्ने भएको हो । “कामको लक्ष्य निर्धारण नगर्दा पनि उपलब्धि सही ढँगले आउन सकिरहेको छैन अव यस्तो हुने छैन” नगरप्रमुख घनश्याम पाण्डेले भन्नुभयो ।
उहाँले कार्यसम्पादन मुल्यांकन वनाएर त्यसको निरन्तर अनुगमन समेत गरिने कुरामा जोड दिनुभयो । “काम गर्ने जाँगर नहुनेलाई तलव पकाउनका लागि मात्रै शिक्षक वन्ने अधिकार छैन” उहाले जोड दिनुभयो ।
तुलसीपुर उपमहानगरपालिकाका ८३ सामुदायिक विद्यालयका प्रधानाध्यापकलाई अभिमुखीकरण गर्दै नगरप्रमुख पाण्डेले शिक्षा क्षेत्रमा अहिले पनि केही कानुनी जटिलता भएको भन्दै शिक्षा सुधारको सबै जिम्मेवारी स्थानीय तहमै हुने उहाँको भनाई थियो । पछिल्लो समय सामुदायिक विद्यालयमा केही परिवर्तन आएको भएपनि लगानीका हिसावले आशातित परिवर्तन आउन नसकेको उहाँको भनाई थियो ।
तुलसीपुरलाई प्राविधिक शिक्षाको केन्द्रका रुपमा विकास गर्नका लागि उपमहानगरपालिकाले सामुदायिक विद्यालयलाई अनुदान दिएको भएपनि काम सही ढँगले अगाडि वढ्न नसकेको उहाँको भनाई थियो । “एसइइमा राम्रो नतिजा ल्याउँदैनन् अनि कसरी प्राविधिक विषय पढ्ने ?” उहाँको प्रश्न थियो ।
विद्यार्थीलाई सिकाउँने, विद्यालयमा टिकाउँने र विकाउँने वनाउनका लागि विद्यालयले ध्यान दिनुपर्ने उहाँको भनाई थियो । विद्यार्थी पास गराएर मात्रै शिक्षाको गुणस्तर सुधार हुन नसक्ने वताउँदै पाण्डेले राम्रा विषय पढ्नका लागि योग्य समेत हुनुपर्ने कुरामा जोड दिनुभयो ।
प्रधानाध्यापकको हातमा विद्यालयको भविष्य हुने भएकाले विशेष गरेर प्रधानाध्यापकहरु यसतर्फ केन्द्रीत हुनुपर्ने नगरप्रमुख पाण्डेको भनाई रहेको थियो । उहाँले राम्रो गर्छु भन्ने प्रधानाध्यापकलाई सम्मान र राम्रो गर्न नसक्नेलाई विदाइ दिने गरी उपमहानगरपालिकाले योजना वनाएको उहाँको भनाई थियो । विद्यालय व्यवस्थापन समितिमा गैर अभिभावकहरु रहेको वताउँदै नगरप्रमुख पाण्डेले तत्काल सुधारका लागि अगाडि वढ्न आग्रह समेत गर्नुभयो ।
धेरै प्रधानाध्यापकहरु काजका नाममा धेरै जसो विद्यालय वाहिर रहेको गुनासो आएको भन्दै उहाँले अनिवार्य काज लिनुपर्ने शिक्षा समितिको स्वीकृती हुनुपर्ने कुरामा जोड दिनुभयो । “विदाको समय वाहेक अन्य समयमा भेट्न आउने शिक्षकलाई मैले भेट पनि दिदैन” उहाँले वताउनुभयो ।
कार्यक्रममा वोल्दै शिक्षा समिति संयोजक देवराज विकले शिक्षा पूर्वाधारको पनि पूर्वाधार भएको वताउँदै शिक्षा सुधारका लागि प्रधानाध्यापकको भुमिका महत्वपूर्ण हुने कुरामा जोड दिनुभयो । पाठ्यभार अनुसार विद्यालयमा पढाइ नभएको वताउँदै उनले शिक्षक दायित्वबाट पन्छिन नहुने कुरामा जोड दिनुभयो ।