यमकला भुसाल
तुलसीपुर,१७ असार | तुलसीपुर उपमहानगरपालिका वडा नं ७ की सुमित्रा भण्डारी उमेरले ९२ वर्ष पुग्नुभयो । जेष्ठ नागरिक परिचयपत्र पाएको पनि धेरै वर्ष भयो । राज्यले जारी गरेको कानुनमा जेष्ठ नागरिकहरुलाई यातयात र अस्पतालमा ५० प्रतिशत छुट दिनुपर्ने उल्लेख गरेको छ । तर राज्यले जारी गरेको कानुन केवल कागजमा माग सिमित छ ।
९२ वर्षीय सुमित्रा भण्डारी सधैसजो तुलसीपुर बृद्धा आश्रम जानुहुन्छ,त्यहाँसम्म जान उहाँलाई बस चढ्नुपर्छ, । तर यातायात व्यवसायीले जेष्ठ नागरिकलाई हेर्ने दृष्टी नै फरक छ । यातयातमा छुट दिनु त परै जावोस बसमा चढाउन समेत मान्दैनन् । यदि चढाइहाले पनि सिट दिदैन,उभिएरै यात्रा गर्न बाध्य बनाइदिन्छन,उहाँले भन्नुभयो ।
म जस्ता जेष्ठ नागरिकलाई यातयात क्षेत्रमा मात्र होइन,विरामी भएर अस्पतालमा जादाँ पनि कुनै सेवा,सुविधा र छुट व्यवस्था छैन,उहाँले गुनासो गर्नुभयो । अस्पतालमा जादाँ यताबाट उता जानुस भन्छन,उताबाट यता । आफुलाई थाहा हुदैन कहाँ जाने ? कहिले त अस्पतालबाट उपचार नगरी फर्कनुपर्छ । त्यत्ती मात्र होइन अस्पतालहरुमा राज्यले निशुल्क दिएको औषधी समेत नपाएको भण्डारीको गुनासो छ ।
यस्तै तुलसीपुर १६ की ६६ वर्षिय गोमादेवी भण्डारीको पनि पिडा उस्तै छ । २ छोरा १ छोरी सन्तान भएकी गोमादेवीको श्रीमान बितेको करिव २ दशकबढी भयो । श्रीमानको कलिलै उमेरमा मृत्यु भएपछि उहाँलाई छोरा छोरी हुर्काउन,पढाउन किनै कठिन भयो । उहाँले भन्नुभयो,–जनतन रातदिन अर्काको काम गरेर छोरा छोरी पढाए । बिहे पनि गरिदिए ।
जागिर खानेसम्म बनाए । तर अहिले तिनै छोरा छोरीले नहेर्दा एक्लो जिवन बिताउन बाध्य भएकी छु । छोरा बुहारीले हेला गरेपछि एक्लै बस्छु । गाउँमा सानो घर छ तर अन्धकार छ । न विजुली बत्ती छ नत जिवन साहारा नै । गोमादेवीले दुखेसो पोख्नुभयो । उहाँको पिडा यत्ती मात्रै होइन । परिचय पत्र पाएको ५,६ वर्ष भइसक्यो तर कतै जानुपर्दा न यातयात व्यवसायीबाट छुट पाए नत विरामी हुदाँ अस्पतालमा जादाँ । उहाँले भावुक हुदै भन्नुभयो ।
यो समस्या सावित्रा र गोमादेवीको मात्र होइन । यी त जिल्लाका एक प्रतिनिधी पात्र मात्रै हुन । दाङमा जिल्लामा यस्ता ज्येष्ठ नागरिक धेरै छन । जो, परिचय पत्र पाएदा पनि कुनै कुरामा छुट पाएका छैनन् त कोही आफ्ना सन्तानबाटै अपहेलित हुने गरेका छन् ।
बुढेसकालको उमेरमा छोरा–बुहारीले घर निकाला गर्ने, बेलाबेलामा मानसिक यातना दिने, कुटपिट गर्ने, समयमा खाना नदिने, उनीहरुको भावना विपरीत काम गर्नेजस्ता समस्या ज्येष्ठ नागरिकले भोग्दै आएका छन ।
सामुदायीक सेवा केन्द्र तुलसीपुरले मगंलवार जेष्ठ नागरिकहरुसगं गरेको अन्तरक्रिया कार्यक्रममा बोल्दै उनीहरुले जेष्ठ नागरिकका हक हितका कुरा व्यवहारमा लागु हुनुपर्ने माग गरे । सामुदायीक सेवा केन्द्र तुलसीपुरका अध्यक्ष नारायणी रजौरेको अध्यक्षतामा भएको कार्यक्रममा बोल्दै प्रमुख अतिथि तुलसीपुर उपमहानगरपालिका वडा नं ५ की कार्यबहाक अध्यक्ष सावित्रा गुरुङ्ले जेष्ठ नागरिकको समस्यालाई कम गर्न वडाबाट विषेश पल गर्ने प्रतिबद्धता व्यक्त गर्नुभयो ।
७० वर्ष माथीका बृद्ध,बृद्धाहरुलाई यातयात र अस्पतालमा ५० प्रतिशत छुटको व्यवस्था राज्यले गरेको छ,यदि कसैले त्यस सेवाबाट बञ्चीत बनाएको खण्डमा सिधै कि वडामा,कि भने नजिकको प्रहरी चौकीमा जानकारी गराउनुहोस,उहाँले भन्नुभयो ।
यस्तै राप्ती सार्वजनिक बस व्यवसायी समिती दाङका अध्यक्ष सुरेस हमालले जेष्ठ नागरिकले पाउने छुटका लागी बस व्यवसायीसगं छलफल गर्ने र जेष्ठ नागरिकका हक हितका लागी पहल गर्ने प्रतिबद्धता जनाउनुभयो । साथै उहाँले आम यात्रुले दैनिक खेप्नुपरेको समस्यालाई मध्येनजर गर्दे सुधार्न तर्फ लाग्नु समेत बताउनुभयो ।
कार्यक्रममा जेष्ठ नागरिक समाज तुलसीपुरका अध्यक्ष खुमानन्द अधिकारी,तुलसीपुर उद्योग वाणिज्य सघंका सदस्य सपना भण्डारी,सहभागी मानप्रसाद भुसाल,लोकमणी पाण्डे,कृष्ण बहादुर डागीँ शखंर विवश मज्गैया,बालिका गौतम नवराज रजौरे लगाएतले बोल्नुभएको थियो ।
सामुदायीक सेवा केन्द्र तुलसीपुरका उपाध्यक्ष बसन्त खड्कीको स्वागत मन्तव्यबाट सुरु भएको कार्यक्रमको सहजीकरण सदस्य निरला अर्याल गैरेले गर्नुभएको थियो ।