दाङ, असार ४ । द्वन्द्वपीडित महिलाहरुलाई लागि पैरवी तथा क्षमता विकास तालिम घोराहीमा सकिएको छ । तीन दिने तालिममा दाङका द्वन्द्वपीडित महिलाहरुको सभागीता रहेको थियो ।
दश वर्षे सशस्त्र युद्धका क्रममा राज्य तथा तत्कालिन विद्रोही पक्षबाट पीडित तथा प्रभावित महिलाहरुको क्षमता विकासका लागि तालिम सञ्चालन गरिएको आयोजक मानव कल्याण तथा वातावरण संरक्षण केन्द्रका अध्यक्ष भरतराज देवकोटाले बताउनुभयो ।
प्रदेश नं. पाँचका सामाजिक विकास शाखाको सहयोगमा भएको तालिमका प्रशिक्षकहरुमा मानव अधिकारकर्मी लक्ष्मी आचार्य, कुमारराज श्रेष्ठ, अनिता पोख्रेल रहनु भएको थियो । तालिमले आफ्नो अधिकारको पक्षमा वकालत गर्न सकिने सहभागी निर्मला थापाले बताउनुभयो । यस्तै सहभागी अनामिका चौधरीले पनि फलदायी भएको बताउनुभयो । तालिममा ३५ जनाको सहभागीता रहेको आयोजकले बताएको छ ।