सल्यान, ५ असार ।
कर्णाली प्रदेश सरकारको अनुदान बजेटमा सल्यानमा पर्यटन मार्ग निर्माण तिब्रगतिमा भएको छ । कपुरकोट गाँउपालिका—६ सातामुल—छाँयानाथ—सिनवाङ हुँदै त्रिवेणी गाउँपालिकाको फलावाङ जोड्ने ऐतीहासिक पर्यटन मार्ग निर्माणका काम तिब्रगतिमा अघि बढेको हो ।
पयर्टन क्षेत्रको विकासका लागि सडक अनिवार्य भएको भन्दै कर्णाली प्रदेश सरकारको ४५ लाख अनुदान बजेमा सातमूलदेखि फलावाङ जोड्ने पर्यटन मार्गको निर्माण थालिएको हो । पर्यटन मार्गले क्रमश ः सल्यानका ऐतिहासिक तथा पर्यटकि स्थल जोडिने कपुरकोट गाँउपालिकाका अध्यक्ष भिमबहादुर सेनले जानकारी दिनुभयो ।
सिनवाङको पर्यटकीय क्षेत्र सातामुलदेखि फलावाङको ऐतिहासिक पुतली दरबारसम्म पुग्ने पर्यटन मार्गले पर्यटन प्रवद्धनलाई सहयोग पुग्ने अपेक्षा गरिएको छ । सडक निर्माण भएसंगै किसानको उत्पादित सामाग्रीको बजारीकरणमा सहयोग पुग्ने भएको छ ।।
