घोराही, १८ मंसिर | नेपाली कांग्रेसको भातृ संगठन नेपाल विद्यार्थी संघ दाङका कोषाध्यक्ष अरुण लहरेलाई प्रहरीले नियन्त्रणमा लिएको छ ।
राप्ती बबई क्याम्पस तुलसीपुरका अखिल नेपाल स्वतन्त्र विद्यार्थी युनियनका अध्यक्ष रविन वलीलाई कुटपिट गरेको आरोपमा लहरेलाई प्रहरीले नियन्त्रणमा लिएको हो ।
केही साता पहिले लहरेले वलीलाई कुटपिट गरि फरार भएको र प्रहरीले खोजी गरि नियन्त्रणमा लिएर अनुसन्धान अघि बढाएको जनाएको छ ।
दाङका प्रहरी प्रमुख जनक भट्टराईका अनुसार लहरेलाई जिल्ला प्रशासन कार्यालय मार्फत १० दिन हिरासतमा राखि अनुसन्धान गर्ने प्रहरीले अनुमति पाएको छ ।
