दाङ, १० भदौ । बाँकेको नेपाल-भारत सिमा नाका जमुनाहबाट ठुलो मात्रामा लागु औषधसहित एक जना पक्राउ परेका छन ।
जमुनाह नजिकैबाट ९०० पिस लागु औषध (ट्रामाडोल) सहित बैजनाथका रेशम नेपाली पक्राउ परेका छन । स्थायी ठेगाना विरेन्द्रनगर नगरपालिका वडा न. ११ सुर्खेत घर भएका हाल बैजनाथ गाउँपालिका २ डिगिया बस्दै आएका ३४ वर्षिय नेपालीलाई लागु औषध सहित पक्राउ गरीएको प्रहरीले जनाएको छ ।
भारतीय बजार रुपैडिहाबाट नेपालगंज तर्फ पैदल आउँदै गरेका नेपालीलाई शंका लागी चेकजाँच गर्दा उनको साथबाट ठुलो मात्रामा ट्रामाडोल फेला परेको प्रहरीको भनाई छ । पक्राउ परेका नेपालीलाई थप अनुसन्धानको लागि जिल्ला प्रहरी कार्यालय बाँकेमा पठाइएको छ ।
