मार्ग परिवर्तन गर्न खोजेको अखिल : नेतृत्व गर्दै दङ्गाली

दाङ्ग, २ भदौ । नेपालको इतिहासमा भएका गौरवपूर्ण क्रान्ति तथा बिद्रोहलाई हेर्दा त्यसलाई सफल बनाउने तत्वहरुमध्य विद्यार्थी आन्दोलन एक महत्त्वपूर्ण र अनिवार्य तत्वको रुपमा आउँछ ।

चाय त्यो २००७ सालमा भएको निरङ्कुश राणा शासन विरुद्ध प्रजातन्त्र प्राप्तिको निम्ति भएको जन बिद्रोह होस या २०४६ सालमा भएको पञ्चयती व्यवस्थाको विरुद्द जन आन्दोलन तथा २०६२/६३ भएको राजतन्त्र विरुद्धको आन्दोलन सबैमा कयौ विद्यार्थीहरुले ज्यान गुमाए , कतिले जेल जीवन बिताउनु पर्यो तर पनि अन्त्यमा सफल भएकै इतिहास साची छ । त्यो समय विद्यार्थीहरु आफ्नो आन्दोलन सफल बनाउन सडक आन्दोलन , चक्काजाम , मसाल जुलुस , तालाबन्दी जस्ता उपाय अपनाएर विद्यार्थीहरुको साथमा सदैब आफ्नो आवज बुलन्द गर्ने गर्दथे ।

वर्तमान समयमा हामिलाइ यस्ता कार्य अनैतिक लाग्न सक्छ तर त्यस समयमा अहिलेको जस्तो मुलुक सङघिय लोकतान्त्रिक गणतन्त्रात्मक थिएन । त्यस समयमा राजाको विरुद्ध कसैले बोल्न पाइदैनथ्यो , शान्तिपूर्ण आन्दोलनको कुनै सुनुवाइ हुदैनथ्यो त्यसैले गर्दा तालाबन्दी , चक्का जाम गर्ने जस्ता काम गरिन्थ्यो र ती कार्य त्यो समयमा उपयुक्त पनि थियो ।

यसरी मार्ग परिवर्तन गर्दैछ अनेरास्ववियु :
समयको परिवर्तन सङ्गै मुलुकमा धेरै कुरा परिवर्तन हुँदै गए यस सङ्गै विद्यार्थी आन्दोलनका मार्गहरु पनि परिवर्तन हुँदै गएको हामिलाई आभष हुन्छ । नेपालमा २०२२ साल जेठ १ गते आत्माराम खरेल(सुजन खरेल) को नेतृत्वमा स्थापना भएको सबैभन्दा पुरानो विद्यार्थी सङ्गठन अखिल नेपाल राष्ट्रिय स्वतन्त्र विद्यार्थी युनियन(अनेरास्ववियु) ले बिगतको बाटोलाई परिवर्तन गर्नुपर्छ भनी अग्रपङ्क्तीमा रहेको छ ।अनेरास्ववियुले फेर्न खोजेको बाटोलाई देहाय बमोजिमका बुदाहरुमा देखाइएको छ ।

• बोर्ड अफ ट्रस्टिको माध्यमबाट विश्वबिधालयको कुलपती छनोट गर्नुपर्दछ । अर्थात खुला प्रतिष्पर्धामा जसले धेरै अङ्क ल्याउछ त्यसलाई नै VC नियुक्त गर्नुपर्छ ।
• प्रधानमन्त्री विश्वबिधालयको कुलपति हुने व्यवस्था अन्त्य गर्नुपर्छ ।
• बिश्वबिधालयमा तालाबन्दी जस्ता क्रीयाकलाप गरि कुनै पनि ढङ्गबाट विद्यार्थीको पढाईमा बाधा पुर्याउनु हुदैन ।
• संविधानमा लेखिएको आधारभूत तहको शिक्षा निशुल्क भनी गरिएको व्यवस्था अक्षरस पालना हुनुपर्छ ।

यसलगायत अनेरास्ववियुमा विद्यार्थी नेताको उमेरहद २८ बर्ष तोक्नुपर्छ भन्ने जस्ता मुद्दाहरु पनि जोदतोडले उठ्दै गएको सुनिन्छ ।
यस्तो छ दाङ्गमा अनेरास्ववियुको क्याम्पसहरुमा उपस्थिती :

•दाङ्ग जिल्लाका स्नातक तह पढाई हुने २८ वटा क्याम्पस र सम्पूर्ण बिधालयहरुमा प्रारम्भिक कमिटी गठन भएको छ ।
• दाङ्गमा भएका स्नातक पढाइ हुने सबै क्याम्पसको स्वतन्त्र विद्यार्थी युनियनमा अनेरास्ववियु उपस्थिति बलियो छ ।
• विद्यार्थीहरुलाई छात्रवृत्ति उपलब्ध गराउने , अतिरिक्त कार्यमा सहभागी गराउने , विद्यार्थीको पक्षमा बोल्ने पहिलो सङ्गठन भएको छ ।

नया गर्छ , नयाँ नेतृत्व :
अनेरास्ववियु दाङ जिल्लाको २४ औ सम्मेलन भर्खरै समापन भएको छ । अहिलेको जिल्ला कमिटी पदाधिकारीमा सम्भवत २५ बर्ष भन्दा माथिको कोहि पनि हुनुहुदैन। युवाहरूलाई जिम्मेवारी दिनुपर्छ भन्ने सवालमा कुनै पनि सङ्कोच नमानी नेतृत्वले जिम्मेवारी सुम्पेको छ । यसले गर्दा पनि अनेरास्ववियु दाङलाई नयाँ र रचनात्मक काम गर्ने चुनौती र अभिवारा थपिएको छ । अनेरास्ववियु दाङको अबको मिसन यसप्रकार हुनेछ ।

• अब हुने स्ववियु चुनावमा अनेरास्ववियुलाई १ नम्बरमा कायमै राख्ने ,
• विद्यार्थीको पक्षमा अझ शसक्त ढङ्गले मैदानमा उत्रीने ,
• रचनात्मक कार्यमा जोड दिने,
• आधारभूत तहको शिक्षा निशुल्क गर्नमा समन्धित निकायलाई सचेत गराउने लगायतका थुप्रै उद्देश्य रहेका छन ।
अन्त्यमा भर्खरै समापन भएको अनेरास्ववियु दाङको २४ सम्मेलनको सन्दर्भमा लेखिएको यस लेखमा दङ्गाली विद्यार्थी आन्दोलनलाई अझ शसक्त बनाउन र अनेरास्ववियुको भूमिकलाई अझ प्रभावकारी बनाउन अखिलका बिगत र वर्तमानका नेतृत्वको महत्त्वपूर्ण भूमिका रहनेछ भन्ने अपेक्षा गरेको छु ।

डि.पि जैसी
उपाध्यक्ष
अनेरास्ववियु जिल्ला कमिटी दाङ