घोराही, १५ पुस | दूरसञ्चार सेवाप्रदायक कम्पनी एनसेलले चार अर्ब ५० करोड रुपैयाँ पूँजीगत लाभकर तिरेको छ । एनसेलको सेयर स्वामित्व खरिद बिक्री वापतको लाभकर चार अर्ब ५० करोड लाभकर तिरेको हो ।
ठूला करदाता कार्यालयले सर्बाेच्च अदालतको आदेशअनुसार सेयर स्वामित्व खरिद बिक्री अनुसार एनसेलले २२ अर्ब ४४ करोड ५३ लाख रुपैयाँ निर्धारण गरी १५ दिनभित्र कर बुझाउन २२ मंसिरमा पत्राचार गरेको थियो । आगामी ६ महिनाभित्र सबै कर तिर्ने गरी किस्ताबन्दी सुविधा माग गरेको छ ।
सोही अनुसार पहिलो पटक चार अर्ब ५० करोड रुपैयाँ बुझाएको जनाइएको छ । किस्ता बन्दीमा कर तिर्ने एनसेलको प्रस्ताबबारे ठूला करदाताको कार्यालयले अहिले नै निर्णय नगरेको भए पनि लाभकर बुझाएको हो ।
