घोराही, १३ माघ | हात्तिपाईले रोग विरुद्धको औषधी नखाँदा दाङमा औषधी सेवनको अभियान पर धकेलिएको छ । नियमित ६ बर्ष सम्म नियमित औषधी खानु पर्ने भए पनि दाङमा नागरिकहरुले नखाईदिदा थप ५ बर्ष लम्ब्याउनु परेको छ ।
हात्तीपाईले रोग बिरुद्धको आम औषधी सेवन अभियान कार्यक्रममा जनस्वास्थ्य कार्यालय दाङका स्रोत व्यक्ति कमल चन्दले यस बर्ष १० औँ चरणमा पनि औषधी खुवाउनु परेको बताउनुभयो ।
सबै नागरिकहरुलाई औषधी खुवाएर ४ बर्ष अघि नै हात्तिपाईले रोगको संक्रमण शून्यतामा झार्ने अभियान औषधी नखाईदिदा प्रभावित भएको उहाँको भनाई छ । गएको बर्ष दाङमा ५८ प्रतिशत जनताले मात्रै औषधी खाए पछि अभियानलाई लम्व्याउनु परेको चन्दले बताउनुभयो ।
दाङमा हाईड्रोशिल भएका १ हजार ६ सय ११, खुट्टा सुन्नीएका ४ सय २९ र हाइड्रोशिल सँगै खुट्टा सुन्नीएका १६ गरि २ हजार ५६ जनामा हात्तिपाईलेको संक्रमण रहेको जन स्वास्थ्य कार्यालय दाङको तथ्यांकमा छ ।