दाङ, २ मंसिर । तुलसीपुर उपमहानगरपालिका वडा नम्बर ३ गोठीखोलामा बेवारीसे अबस्थामा एक बालक फेला परेका छन् । इलाका प्रहरी कार्यालय तुलसीपुरका अनुसार आज दिउँसो २ बजेतिर अन्दाजी डेढ बर्षको बालक फेला परेका हुन् ।
इलाका प्रहरी कार्यालय तुलसीपुरका प्रहरी निरीक्षक प्रकाश थापाले बालकको आफन्त तथा बालकलाई चिन्नुहुने महानुभावलाई इलाका प्रहरी कार्यालय तुलसीपुरको कार्यलय तथा मानव सेवा आश्रममा सम्पर्क गर्न आग्रह गर्नुभएको छ ।