दाङ, १५ भदौ । नमस्ते बबई बचत तथा ऋण सहकारी संस्था लिमिडेडले आफ्नो २४ औँ साधारण सभा तथा अधिवेशन सम्पन्न गरेको छ । संस्थाका अध्यक्ष अन्जनकुमार पौडेलको अध्यक्षता तथा सहकारी दर्ता अधिकारी कार्यालय लुम्बिनी प्रदेशका सहकारी दर्ता अधिकारी मधुकृष्ण पौड्यालको प्रमुख आतिथ्यमा साधारण सभा सम्पन्न गरिएको थियो ।
संस्थाका उपाध्यक्ष विक्रम कुवरको स्वागत मन्तव्यबाट सुरु भएको कार्यक्रममा सचिव ईन्द्रबहादुर बुढाथोकीले आगमी वर्षका लागि संस्थाको प्रस्तावित वार्षिक निति तथा कार्यक्रमका साथै सांगठनिक प्रतिवेदन, कोषाध्यक्ष प्रस्तुत गर्नुभएको थियो । यस्तै संस्थाका कोषाध्यक्ष रोवरबहादुर रावतले वित्तिय लक्ष्य र बजेटको बारेमा जानकारी दिनुभएको थियो ।
यस्तै कार्यक्रममा नेप्स्कुन दाङका प्रबन्धक विष्णुदत्त जोशी, राष्ट्रिय सहकारी वैंक प्रवन्धक डिल्लीराज दहाल, जिल्ला सहकारी संघका लेखा संयोजक होमलाल भुषाल, दाङ जिल्ला वचत संघका विमल अधिकारीलगाएतले शुभकामना मन्तव्य राख्नुभएको थियो । कार्यक्रममा ७ जना उत्कृष्ट सदस्यहरुलाई सम्मान समेत गरिएको थियो ।
यसैविच संस्थाको अध्यक्षमा सुनिलकुमार रेग्मीको नेतृत्वमा नयाँ कार्यसमिती चयन गरिएको छ । घोराहीमा आज सम्पन्न भएको संस्थाको २४ औँ साधारण सभा तथा अधिवेशनबाट रेग्मीको अध्यक्षतामा नयाँ कार्यसमिती चयन गरिएको हो ।
जसको वरिष्ठ उपाध्यक्षमा कोमलबहादुर बस्नेत, उपाध्यक्षमा गोमा अधिकारी, सचिवमा ईन्द्रबहादुर बुढाथोकी र कोषाध्यक्षमा रावरबहादुर रावतलाई चयन गरिएको छ । यस्तै सदस्यहरुमा कमलकुमार शर्मा, मदनकुमार आचार्य, दिनेश आचार्य, विनोदकुमार केसी, शिला बस्नेत र ईश्वरा रावतलाई चयन गरिएको छ । यस्तै विक्रम कुवरको संयोजक रहेको तिन सदस्य लेखा समिती गठन गरिएको छ । जसको सदस्यहरुमा शंकर शर्मा र श्यामकुमार गिरी रहनुभएको छ ।