घोराही, २६ पुस | गरिबी जोखिम न्यूनिकरणका लागि दाङमा गरिब परिवार पहिचानका लागि ३ करोड २१ लाख ४२ हजार रुपैयाँ बजेटको व्यवस्था गरेको छ । जस अन्तरगत घोराहीमा ८३ लाख ६८ हजार, तुलसीपुरमा ७५ लाख ८० हजार, लमहीमा २६ लाख ९९ हजार, राप्तीमा २४ लाख ४० हजार, राजपुरमा १६ लाख ६८ हजार रुपैयाँ बजेट आएको छ ।
त्यस्तै बंगलाचुलीमा १६ लाख ७२ हजार, शान्तिनगरमा १९ लाख २२ हजार, दंगिशरणमा १६ लाख ६८ हजार र बबईमा १९ लाख २९ हजार रुपैयाँ बजेट आएको छ । गरिब घरपरिवारको तथ्यांक संकलन पछि आर्थिक विकास र रोजगारीका लागि सरकारले आबस्यकतामा आधारित कार्यक्रम तथा अबसरहरु सृजना गर्ने भएको छ ।
दाङका किसान, भूमिहिन, सुकुम्बासी, कमैया तथा कम्लरीहरुको बसोबास रहेका कारण पनि सरकारले गरिबहरुको तथ्यांक संकलन गर्न थालेको कार्यक्रमका फोकल पर्सन सुदिप गौतमले जानकारी दिनुभएको छ । गरिबहरुको पहिचानका लागि दाङमा एक सय १० जना कर्मचारी परिचालन गरेर काम हुदै छ ।