दाङ, १९ कार्तिक । दाङमा माेटरसाइकल दुर्घटना हुँदा एक जनाकाे मृत्यु भएको छ । दुर्घटनामा परी लमही नगरपालिका- ५ कमलराेडका २२ वर्षका प्रेम रानामगरकाे मृत्युु भएको हाे । लमहीबाट गढवातर्फ जाँदै गरेकाे रा ७ प ४०७४ नम्बरको माेटरसाइकल लमही -गढवा सडककाे भित्री खण्डमा बैंकराेडमा आज बिहान साढे ६ बजेतिर दुर्घटनामा परेको हाे ।
तिब्र गतिमा रहेको माेटरसाइकल आफै अनियन्त्रित भएर पल्टिएको जिल्ला प्रहरी कार्यालय दाङका प्रवक्ता डिएसपी इश्वर थापाले जानकारी दिनुभयो ।दुर्घटनामा गम्भीर घाइते भएका रानाको उपचारका क्रममा लमही अस्पतालमा निधन भएको हाे ।
