अर्घाखाँचीमा भिरबाट लडेर एकको मृत्यु

अर्घाखाँची , १६ कात्तिक । भिरबाट लडेर एक जनाको मृत्यु भएको छ । जिल्लाको छत्रदेव गाउँपालिका वार्ड नम्बर ८ सानोचेक्मी माझको भिरबाट लडेर शुकबार बिहान एक जनाको मृत्यु भएको हो ।

सिन्धुपाल्चोक घर भएका ५० वर्षका  विष्णु रोकाको मृत्यु भएको जिल्ला प्रहरी कार्यालय अर्घाखाँचीका प्रमुख चक्र मल्लले जानकारी दिनुभयो । घटनाबारे थप अनुसन्धान भइरहेको मल्लको भनाइ छ ।