सल्यान, १४ कार्तिक । सल्यानमा यत्रु बोकेको फोर्स गाडीमा आगलागी भएको छ । आज बेलुकी ६ बजेतिर जिल्लाको बागचौर नगरपालिका, १ चौरपानीमा फोर्स गाडिमा आगलागी भएको जिल्ला प्रहरी कार्यालय सल्यानले जनाएको छ ।
थारमारे दार्मा जोड्ने सडक खण्डमा नेपालगन्जबाट रुकुम पश्चिम चौफातर्फ जाँदै गरेको भे १ ख ३७५० नम्बरको फोर्स गाडीमा अचानक आगलागी भएको बताइएको छ । उक्त गाडी नेपालगन्ज ४ का २९ बर्षिय चालक शङ्कर शाहीले चलाइरहेका थिए।
उक्त फोर्स गाडीमा भएको आगलागी नियन्त्रणमा नआएपछि गाडी पूणर् रूपमा जलेको छ । गाडीमा रहेका यात्रुहरूको सामान समेत जलेर नष्ट भएको जिल्ला प्रहरी कार्यालय सल्यानका सुचना अधिकारी रेशम बहादुर खत्रीले जानकारी दिनुभयो ।
यद्यपि, यस घटनामा कुनै मानवीय क्षति नभएको जनाइएको छ । उक्त गाडीमा २८ जना यात्रु सवार रहेका थिए।
घटनास्थलमा इप्रका थारमारेबाट प्रहरी निरीक्षक दाम प्रसाद श्रेष्ठको नेतृत्वमा ८ जनाको प्रहरी टोली खटिएको छ। दुर्घटनाबारे थप अनुसन्धान भइरहेको प्रहरीले जनाएको छ ।
