दाङ, ९ कार्तिक । दाङमा प्रहरीले पछिल्लो साता जुवाडेहरुलाई धमाधम पक्राउ गरेको छ । दसैं तिहार चाडबाडको समयमा जिल्ला प्रहरी कार्यालय दाङले ७२ जना जुवाडेलाई पक्राउ गरेर मुद्धा चलाएको जनाएको छ ।
दाङमा नयाँ आएका जिल्ला प्रहरी प्रमुख एसपि अर्जुन तिमिल्सिनाले आफु आउनासाथ जिल्लाका राजनितिक दलका प्रमुख एव प्रतिनिधिहरुलाई जुवातास नियन्त्रणका लागि लिखितरुपमै प्रतिबद्धता गराएका हुन । उनले जुवाताससहित पक्राउ परेका कसैलाई पनि नछोडिने एसपि तिमिल्सिनाले बताए ।
हालै मात्रै घोराही १७ का बर्ष ५० का पदम केसिसहित १० जनालाई प्रहरीले जुवाको खालबाट पक्राउ गरेको जनाएको छ । ७२ जना जुवाडेको साथबाट हालसम्म ७ लाख बढि रकम बरामद भएको प्रहरी प्रमुख तिमिल्सिनाले जानकारी दिए ।
