दाङ, ७ कात्तिक । रोल्पामा सवारी दुर्घटनामा परी २ दिने नवजात शिशुको मृत्यु भएको छ । जिल्लाको भालुबाङ-लिबाङ सडकखण्ड अन्तर्गत सुनिलस्मृति-४ सुलिचौर नजिकै कागडाँडा भन्ने स्थानमा प्युठानबाट सुनिलस्मृति गाउँपालिकाको सुलिचौर तर्फ जादै गरेको लु ३ च १६५६ नम्बरको डबल क्याब गाडी अनियन्त्रित भई दुर्घटनामा परेको रोल्पा प्रहरीले जनाएको छ ।
दुर्घटनामा परि लुंग्री गाउँपालिका-१ छिउदरका अमृत रोकाको २ दिने शिशुको मृत्यु भएको जिल्ला प्रहरी कार्यालय रोल्पाका प्रहरी निरीक्षक रोहित कुमार साहिले जानकारी दिनुभयो। उहाँका अनुसार घटना बुधबार बिहान ४/४५ बजेको समयमा भएको थियो।
गाडीमा ४ जनाको सवार रहेकोमा चालक लुंग्री गाउँपालिका १ छिउदरका कुल बहादुर विष्टको दाहिने हातमा चोट लागेको र उनको प्राथमिक स्वास्थ्य केन्द्र सुलिचौरमा उपचौर भैरहेको र अवस्था मध्यम रहेको प्रहरीले जनाएको छ । उक्त घटनामा प्रहरी निरीक्षक अरुण तामाङको नेतृत्वमा ५ जनाको टोली खटिएका थिए।
