दाङ, १३ कार्तिक । पाल्पामा ट्रक दुर्घटना हुँदा चालकको मृत्यु भएको छ । बुटवलबाट पोखरातर्फ जाँदै गरेको लु १ ख ९३५१ नम्बरको ट्रक ब्रेक फेल भई सोमबार राती जिल्लाको रम्भा गाउँपालिका –३ अगाहाखोलास्थित सिद्दार्थ राजमार्गमा दुर्घटना हुँदा चालकको मृत्यु भएको हो ।
दुर्घटनामा परी मृत्युु हुने ट्रक चालक रम्भा –३ का २३ वर्षीय भुवन सिंह राना रहेको जिल्ला प्रहरी कार्यालयका प्रहरी नायव उपरीक्षक सुनिल मल्लले जानकारी दिए । उनका अनुसार गम्भीर घाइते भएका उनलाई उपचारको लागि लुम्बिनी मेडिकल कलेज प्रभास पठाइएकोमा उपचारको क्रममा मृत्यु भएको हो ।
उक्त ट्रकले सोही दिशातर्फ जाँदै गरेको ना १ क ७१२१ नम्बरको ट्रकलाई पछाडीबाट ठक्कर दिँदा चालक रानालाई सोही ट्रकमा दाहिने खुट्टा च्यापिएको अवस्थामा प्रहरीले उद्दार गरी हस्पिटल पठाएको थियो ।
