कञ्चनपुर, ९ कार्तिक । कञ्चनपुरको लालझाडीमा एक दम्पतीको हत्या भएको छ । लालझाडी गाउँपालिका-१ बिनवारीका ४६ वर्षीय रमेश वडायक र उहाँकी ४३ वर्षीया श्रीमती कमला वडायक हत्या गरिएको अवस्थामा फेला परेको प्रहरीले जनाएको छ ।
मृतकको शरिरमा धारिलो हतियार प्रहार भएको देखिएको र निलडाम पनि देखिएको जिल्ला प्रहरी कार्यालय कञ्चनपुरका प्रवक्ता डिएसपी उमेश जोशीले जानकारी दिनुभयो ।
शुक्रबार बिहान दम्पतीको शव घरको आँगनमा देखेपछि स्थानीयले प्रहरीलाई खबर गरेको प्रवक्ता जोशीले बताउनुभयो । दम्पतीको शरीरमा धारिलो हतियार प्रहार गरेको देखिएकाले हत्या भएको हुनसक्ने बताइएको छ । प्रहरीले अहिले घटनास्थल पुगेर अनुसन्धान गरिरहेको जनाइएको छ ।
