दाङ, ५ कार्तिक । तुलसीपुरमा केहि ठाउँमा आज विद्युत नआउने भएको छ । नेपाल विद्युत प्राधिकरण वितरण केन्द्र तुलसीपुरका अनुसार फिडर वरीपरीका रुख र रुखका हाँगाबिगा काट्नुपर्ने भएकाले विद्युत अवरुद्ध हुने भएको हो ।
विद्युत बिहान ९ बजेदेखि बेलुका ५ बजेसम्म नआउने वितरण केन्द्र तुलसीपुरका प्रमुख शिव नारायण गोशलीले जानकारी दिनुभयो । तर मर्मतको काम समय अगावै सकिएमा निर्धारित समयभन्दा पहिले नै विद्युत सुचारु हुने उहाँले बताउनुभयो ।
प्राधिकरणको तालिका अनुसार आज तुलसीपुर शवस्टेशनको फूलबारी फिडर अन्तर्गत फूलबारी, रनियापुर, रजेनी, शितलपुर , माथिल्लो मलई लगायतका क्षेत्रमा विद्यतु अवरुद्ध भएको छ ।
यस्तै हापुरे सबस्टेशन अन्तर्गतको बाघमारे फिडर अन्तर्गतका बाघमारे, वस्तीखोला, पेदीखोला,हारीचौर र बाघखोर लगायतका क्षेत्रमा विद्यतु अवरुद्ध भएको छ । कार्तिक १० गतेसम्म नै विभिन्न ठाउँमा मर्मत हुने प्राधिकरणले जनाएको छ ।
यस्तो छ तालिका :
