समाचार

बर्दियामा पाटेबाघ मृतावस्थामा फेला
समाचार

बर्दियामा पाटेबाघ मृतावस्थामा फेला

दाङ, ७ जेठ । बर्दियाको मधुवन नगरपालिका–४ का कालिका सामुदायिक वनमा मृतावस्थामा पाटेबाघ फेला परेको छ । डिभिजन वन कार्यालय बर्दियाका प्रमुख प्रवीण विडारीले सामुदायिक वनमा कुहिएका अवस्थामा वयस्क पाटेबाघ फेला परेको जानकारी दिए। प्राविधिक टोली घटनास्थलमा पुगेकाले परीक्षणपछि मात्र मृत्युको वास्तविक कारण पत्ता लाग्ने राष्ट्रिय प्रकृति संरक्षण कोष बर्दिया संरक्षण कार्यक्रमका संरक्षण अधिकृत अजित तुम्वाहाङ्फेले बताए ।...
इप्रका गढवाको कार्यालय प्रमुखमा तेस्रो पटक पनि महिला
नारी विषेश, समाचार

इप्रका गढवाको कार्यालय प्रमुखमा तेस्रो पटक पनि महिला

दाङ, ७ जेठ । इलाका प्रहरी कार्यालय गढवामा नयाँ प्रहरी प्रमुखको रूपमा प्रहरी निरिक्षक कालिका कार्की आएकी छिन् । गढवामा तेस्रो पटक पनि कार्यालय प्रमुखको रूपमा महिला प्रहरीको आगमन भएको छ । हालै सो कार्यालयबाट महिला निरिक्षक नवीन वलीको काठमाडौं रानीपोखरीमा सरूवा भएपछि सो ठाउँमा नेपाल प्रहरी प्रधान कार्यालयको सचिवालय काठमाडौंबाट कार्यालय प्रमुखको जिम्मेवारी सम्हाल्न महिला प्रहरी निरिक्षक कार्की गढवा आएकी हुन् । कार्यालय प्रमुखको जिम्मेवारी सम्हाल्न आएका प्रहरी निरिक्षक कार्कीले आइतबार देउखुरी क्षेत्रका पत्रकारहरू सँग परिचायात्मक कार्यक्रम सँगै शान्ति सुरक्षाका विषयमा छलफल गरेकी छिन् । छलफलका क्रममा पत्रकारले उठाएका सवालमा कार्कीले पत्रकार र स्थानीय सरोकारवाला सँग सहकार्य गरेर शान्ति सुरक्षा कायम गर्न र अपराधीक क्रियाकलापलाई रोक्न कानुन अनुसार काम गर्ने बताएकी छिन् ।...
सल्यानमा मोटरसाइकल र स्कोरपियो ठोकिदा २ जना घाइते
समाचार

सल्यानमा मोटरसाइकल र स्कोरपियो ठोकिदा २ जना घाइते

दाङ, ७ जेठ । सल्यानमा मोटरसाइकल र स्कोरपियो गाडी एक आपसमा ठोकिदा दुई जना घाइते भएका छन् । सल्यान शारदा नगरपालिका १ पटनेरी स्थित खलंगा श्रीनगर सडकखण्डमा श्रीनगर देखि खलंगा तर्फ जाँदै गरेको रा ७ प २४१७ नम्बरको मोटरसाइकल र विपरित दिशाबाट आइरहेको बा १६ च ५५५० नम्बरको स्कोरपियो आपसमा ठोकिएको जिल्ला प्रहरी कार्यालय सल्यानले जनाएको छ । ठक्करबाट मोटरसाइकल चालक सल्यान कपुरकोट गाउँपालिका १ उनवाङ बस्ने १९ वर्षीय प्रेम क्षेत्री र मोटरसाइकल पछाडी सवार सोही ठाउँका ३१ वर्षीय राकेश क्षेत्री घाइते भएको जिल्ला प्रहरी कार्यालय सल्यानका सूचना अधिकारी भवानी प्रसाद धमलाले जानकारी दिनु भयो । घाइते दुवैको श्रीनगर स्थित सल्यान कर्णाली अस्पतालमा उपचार भइरहेको र प्रेमको अवस्था मध्यम रहेको छ भने राकेशको अवस्था सामान्य रहेको उहाँको भनाई छ । स्कोरपियो, चालक र मोटरसाइकललाई नियन्त्रणमा लिएको प्रहरीको भनाई छ ।...
रोल्पामा ट्याक्टर दुर्घटना हुदा एक महिलाको मृत्यु
समाचार

रोल्पामा ट्याक्टर दुर्घटना हुदा एक महिलाको मृत्यु

दाङ, ७ जेठ । रोल्पामा ट्याक्टर दुर्घटनामा परी एक महिलाको मृत्यु भएको छ । मृत्यु हुनेमा लुङ्ग्री गाउँपालिका–६ घर भई अहिले रोल्पा नगरपालिका–१ मेबाङमा बस्दै आएकी ४३ वार्षिय रुपसरी बिष्ट रहेको जिल्ला प्रहरी कार्यालय रोल्पाले जानकारी दिएको छ । प्रहरीका अनुसार पानीको ट्याङ्की बोकेर उकालोमा चढ्ने क्रममा रोल्पा नगरपालिका–४ खाद्यटोल लिबाङमा गएराती ८ बजेको समयमा लु ३ त ३४०२ नम्बरको ट्याक्टर अनियन्त्रित भएर दुर्घटना भएको हो । दुर्घटनामा परी विष्टको घटनास्थलमै मृत्यु भएको हो भने चालक सकुशल रहेको प्रहरीले जनाएको छ । चालकलाई नियन्त्रणमा लिएर दुर्घटनाको बारेमा अनुसन्धान भइरहेको प्रहरीले जनाएको छ ।...
टरिगाउँ एयरपोर्टको विस्तार हुन्छ : महासचिव पोखरेल
समाचार

टरिगाउँ एयरपोर्टको विस्तार हुन्छ : महासचिव पोखरेल

दाङ, ७ जेठ । नेकपा एमालेका महासचिव शंकर पोखरेलले आगामी आर्थिक वर्षदेखि टरिगाउँ एयरपोर्ट विस्तारको काम सुरु हुने बताउनुभएको छ । प्रेस चौतारी दाङले तुलसीपुरमा गरेको पत्रकार भेटघाट कार्यक्रममा बोल्दै महासचिव पोखरेलले यस्तो बताउनु भएको हो । तुलसीपुरको एयरपोर्ट विस्तारको काम अगाडि बढाउनुपर्छ भन्ने सुझाव वर्तमान सरकारलाई दिएकाले अबको नीति तथा  कार्यक्रम र बजेटमा यसले प्राथमिकता पाउने महासचिव पोखरेलले बताउनुभयो । काँग्रेस सत्तामा भएकै बेला आएको प्राविधिक टोलीले टरिगाउँ एयरपोर्ट भन्दा नारायणपुर उपयुक्त भन्ने रिपोर्ट दिएको महासचिव पोखरेलले बताउनुभयो । ‘केपी ओली प्रधानमन्त्री हुँदा एयरपोर्ट विस्तारको योजना हामीले अघि सारेका थियो । नौ महिना पछि सरकार परिवर्तन भएर काँग्रेस सत्तामा गयो । कांग्रेसकै नेता पर्यटनमन्त्री थिए । त्यो कुरा तपाईँलाई पनि थाहा होला । त्यसबेला पठाएको प्राविधिक टोलीले टर...
सल्यानमा गर्मी लागेपछि नदिमा नुहाउन गएका दुई जनाको डुबेर मृत्यु
समाचार

सल्यानमा गर्मी लागेपछि नदिमा नुहाउन गएका दुई जनाको डुबेर मृत्यु

दाङ, ७ जेठ । सल्यानमा नुहाउने क्रममा बबई नदीमा डुबेर दुई जनाको मृत्यु भएको छ । चार वर्षीय बालकसहित दुईजनाको मृत्यु भएको जिल्ला प्रहरी कार्यालय सल्यानले जनाएको छ । मृत्यु हुनेमा कालीमाटी गाउँपालिका- ७ सल्यान थरीका ३७ वर्षीय दिलबहादुर कार्की र चार वर्षीय बालक सुवास परियारको मृत्यु भएको जिल्ला प्रहरी कार्यालय सल्यानले जनाएको छ । नुहाउन गएका उनीहरू अबेरसम्म घर नर्फिएपछि खोजतलास गर्ने क्रममा कार्कीलाई घरदेखि करिब एक किलोमिटर तल फेला पारी भेरी अस्पताल नेपालगन्ज पुर्‍याउँदा डाक्टरले मृत घोषणा गरेको जिल्ला प्रहरी कार्यालय सल्यानका सूचना अधिकारी भवानीप्रसाद धमलाले जानकारी दिनुभयो । मृतक दुवैको शव पोस्टमार्टमका लागि नेपालगन्जको शवगृहमा राखिएको सूचना अधिकारी धामिले बताउनुभयो । घटनाको अनुसन्धान भइरहेको प्रहरीले जनाएको छ ।...
दाङमा एकैपटक ठोक्किए चार सवारी
समाचार

दाङमा एकैपटक ठोक्किए चार सवारी

दाङ, ७ जेठ । दाङमा एकैपटक चार सवारी एकै पटक ठोक्किएका छन् । घोराही-लमही सडकखण्डको मसोट नजिकै बसले २ वटा मोटरसाइकललाई एकैपटक ठक्कर दिएपछि अर्को बसको पछाडिपट्टी पनि क्षति पुगेको छ । दुर्घटनामा परी तीन जना घाईते भएको दिएको जिल्ला प्रहरी कार्यालय दाङका प्रहरी प्रवक्ता डिएसपी जनक बहादुर मल्लले जानकारी दिनुभयो । दुर्घटनामा बा ८९ प २४८६ नं.को मोटरसाइकल चालक लमही नगरपालिका-४ निवासी ३४ वर्षका पुनिराम चौधरी, सोही मोटरसाइकलमा पछाडि सवार २६ वर्षका प्रवेश कुमार चौधरी र रा ५ प ९७६१ नम्बरको मोटरसाइकल चालक सोही ठाउँ निवासी २१ वर्षका पंकज चौधरी घाईते हुनुभएको छ । घाइतेको राप्ती स्वास्थ्य विज्ञान प्रतिष्ठान घोराहीमा उपचार भईरहेको डीएसपी मल्लले जानकारी दिनुभयो । ठक्कर दिने बस चालक फरार रहेका छन् । घोराहीबाट लमहीतर्फ जादै गरेका मोटरसाईकललाई पछिपछि गइरहेको ना ४ ख ५५३५ नं.को बसले ठक्कर दिँदा दुबै मो...
दाङमा खोलामा डुबेर एक बालकको मृत्यु
समाचार

दाङमा खोलामा डुबेर एक बालकको मृत्यु

दाङ, ५ जेठ । दाङस्थित अर्जुनखोलामा पौडी खेल्ने क्रममा डुबेर एक जनाको मृत्यु भएको छ। लमही नगरपालिका–६ कुलमोहरस्थित अर्जुन खोलामा पौडी खेल्ने क्रममा लमही नगरपालिका–५ आदर्श टोल निवासी वसन्तराज भण्डारीका १३ वर्षीय छोरा विवेक भण्डारीको डुबेर मृत्यु भएको वडा प्रहरी कार्यालय लमहीले जनाएको छ। साथीहरू मिलेर नुहाउन गएका पौडेल अर्जुनखोलामा डुबेका थिए। सशस्त्र प्रहरी र नेपाल प्रहरीको टोलीले पानीमा डुबेका पौडेलको खोजी गरेको थियो। मृत अवस्थामा फेला परेका पौडेलको शवपोष्टमार्टमका लागि लमही अस्पतालको शव गृहमा राखिएको छ।...
शान्ति समाज र तुलसीपुर उवासंघबीच छलफल
व्यापार/व्यवसाय, समाचार

शान्ति समाज र तुलसीपुर उवासंघबीच छलफल

दाङ, ५ जेठ । मानव अधिकार तथा शान्ति समाज दाङ शाखाले निजी क्षेत्रसँग छलफल गरेको छ । शान्ति समाजले आयोजना गरेको उपभोक्ता अधिकारमा निजी क्षेत्रको प्रतिवद्धता विषयक छलफलमा तुलसीपुर उद्योग वाणिज्य संघका नवनिर्वाचित अध्यक्ष विनील केसीले उपभोक्ताको हितलाई पहिलो प्राथमिकतामा राख्ने बताउनुभयो ।  उपभोग्य वस्तुको गुणस्तरीयता, खाद्य सुरक्षालाई प्रभावकारी बनाउन स्थानीय सरकारसँग समन्वय गरेर अघि बढ्ने  अध्यक्ष केसीले बताउनुभयो । सो अवसरमा मानव अधिकार तथा शान्ति समाजका केन्द्रिय सचिव निर्मल नेपाली, निर्वतमान बरिष्ठ उपसभापति सुशील बस्नेत, दाङ शाखाका संस्थापक सभापति डिल्लीराज धिताल, तुलसीपुर उद्योग वाणिज्य संघका सदस्य मिना रावतले उपभोक्ता हित र निजी क्षेत्रको भूमिकाका बारेमा चर्चा गर्नुभएको थियो । शान्ति समाजमा कार्यवाहक सभापति एवम् तुलसीपुर उद्योग वाणिज्य संघका नव निर्वाचित सदस्य कोमल डिसीको सभाप...
एमाले दाङको चौधौं अधिवेशनको तयारी पुरा, केपी ओली नआउने
समाचार

एमाले दाङको चौधौं अधिवेशनको तयारी पुरा, केपी ओली नआउने

दाङ, ५ जेठ । नेकपा एमाले दाङको चौधौं अधिवेशनको सम्पूर्ण तयारी पुरा भएको छ । भोलि र पर्सि दाङको घोराहीमा हुने जिल्ला अधिवेशनको सम्पूर्ण तयारी पुरा भएको नेकपा एमाले दाङ जिल्ला कमिटीका अध्यक्ष हुकुम बहादुर बस्नेतले जानकारी दिनुभयो । दुई दिनसम्म चल्ने अधिवेशनले नयाँ नेतृत्व चयन गर्ने छ । अधिवेशनमा जिल्ला भरबाट ७ सय ८८ जना प्रतिनिधि छनौट भएका छन् । अधिवेशनको उद्घाटन एमाले महासचिव शंकर पोखरेलले गर्ने कार्यक्रम रहेको छ । यस अघि पार्टी अध्यक्ष केपी शर्मा ओलीले गर्ने कार्यक्रम रहेकाे थियाे । एमाले अध्यक्ष केपी ओली नआउने नेकपा एमालेका अध्यक्ष केपी शर्मा ओली दाङ नआउने हुनुभएको छ । केन्द्रमा देखिएको समसामयिक राजनीतिक घटनाक्रमका कारण अन्तिम समयमा आएर दाङ आउने कार्यक्रम रद्द गरिएको नेकपा एमालेकी केन्द्रिय सदस्य कोमल वलीले जानकारी दिनुभयो । प्रधानमन्त्री पुष्प कमल दहाल प्रचण्डले पर्सि विश्वास...