असल संस्कारको विकासमा महिला जेसिज

दाङ महिला जेसिजले महिलाको व्यक्तित्वसंगै नेतृत्व विकासमा महत्वपूर्ण भूमिका खेलेको छ । असल समाज निर्माणमा असल संस्कारको विकासमा अघि देखिएको दाङ महिला जेसिजमा वर्ष २०२१ का लागि नयाँ नेतृत्व चयन भइसकेको छ ।

समाजप्रति महिला जेसिजले खेलेको भूमिका, आगामी कार्ययोजना लगायतका विषयमा वर्ष २०२१ का अध्यक्ष ममता विष्टसंग कुराकानी गरेका छौँ ।–सम्पादक

ममता बिष्ट

Blog Post Ad

अध्यक्ष

दाङ महिला जेसिज

१.सर्वप्रथम त, यहाँलाई स्वागत अनि बधाई छ ।

धन्यवाद, तपाई लगायत राजमार्ग अनलाईन परिवार सम्पूर्णलाई म र मेरो संस्थागत परिवारको तर्फबाट ।

२.नेतृत्व तहमा पुग्दा कस्तो अनुभूति गर्नुभएको छ ?

मलाई दाङ महिला जेसिजको नेतृत्वमा पु¥याउनुहुने सबैप्रति हार्दिक आभार प्रकट गर्दछु । सबैको साथ र सहयोगले म यो स्थानसम्म आइपुगेको छु । सन् २०१२ देखि म यस संस्थामा आवद्ध भएको हुँ । शुरुमा प्रवेश गर्दा सबै कुरा असम्भव जस्तै लाग्दथ्यो, तर जहाँ इच्छा त्यहाँ उपाय भनेजस्तै आज यो पनि सम्भव रहेछ भन्ने बुझेकी छु ।

३.तपाईका योजना के–के छन् ?

मैले पुराना गर्न बाँकी रहेका कामलाई निरन्तरता दिदैँ नयाँ काम गर्ने पनि योजना बनाएको छु । विषेशत: धेरै दाङ महिला जेसिज महिलाको व्यक्तित्व र नेतृत्व विकासमा बढी जोड दिने गर्दछ । ति कुरालाई प्राथमिकतामा राखेर अरु सामाजिक उत्तरदायित्वका काम पनि गर्ने योजना बनाएको छु । हामीहरुले विभिन्न चार वटा चरणमा गरेर काम गर्ने गरेका छौँ ।

सामुदायिक ,व्यक्तिगत, अन्तर्राष्ट्रिय र व्यवस्थापन गरेर चार चरणमा हाम्रो काम हुने गर्दछ । त्यस अन्तगर्त लागुऔषध दुव्र्यसनीबारे सचेतना, महिला हिंसा, बालबिवाह लगायतका बारेमा सचेतनामूलक काम गर्ने गर्दछौँ । अहिले पद हस्तारण त भइसकेको छैन्, तर पनि योजनाहरु छन् । यसै महिनाको २५ गते पद हस्तान्तर भइसकेपछि हाम्रो काम शुरु हुन्छ ।

४.योजनालाई सफल बनाउन के कुराको आवश्यकता बढी देख्नुहुन्छ ?

अब विषेश गरी योजना सफल बनाउनको लागि म त सहकर्मीको साथ र सहयोग नै महत्वपूर्ण ठान्दछु । म एक्लैले गरेर केहि हुँदैन् । नेतृत्वमा म भएपनि काम हामी सबै मिलेर गर्नेछौँ । बिगतका वर्षमाहरुमा पनि धेरै जनासंग अरु पदमा रहेर काम गरिसकेको छु । उहाँहरुसंगको समन्वय झन् बलियो बनाएर गरिएका योजना सफल बनाउन सकिन्छ ।

५. आर्थिक पक्षलाई कसरी व्यवस्थापन गर्नुहुन्छ ? हो, एकदम महत्वपूर्ण प्रश्नका लागि धन्यवाद, कुनै पनि काम गर्नका लागि आर्थिक सवलीकरण नै प्रमुख पक्ष हो । आर्थिक व्यवस्थापन भनेको हामी त उहि सहयोग र सहकार्य भन्ने उद्देश्यका साथ सबै संग समन्वय गरी काम गछौँ ।

आर्थिक पक्षलाई हेर्दा केहि कठिन देखिएपनि हामीले त्यसलाई कठिनको रुपमा लिदैँनौँ । त्यसलाई एउटा संघर्षको रुपमा लिन सकिन्छ । विषेशगरी सबै साथीभाईको महत्वपूर्ण साथ र सहयोगले आर्थिक पक्षलाई पनि बलियो बनाउन सकिन्छ ।

६. चुनौतिको आँकलन गर्नुभएको छ ?

छ नि , अब कुनै पनि काम गर्दा समस्या संगसंगै हुन्छ । ति चुनौतिलाई सामना गरेर अघि बढ्न सकियो भने नै महानता हुन्छ । तेस्रो र सिधाबाटो त जो पनि हिड्न सक्छ, घुम्ति र उकाली–ओराली बाटोमा हिड्न सकियो भनेपछि पो त महानता भयो । तर हाम्रो समुहमा त्यस्ता किसिमका बाधा अड्चन आउँदैनन्, आएपनि म एक्लो छैन भन्ने महशुस गरेको छु ।

७.कतिजना महिला आवद्ध हुनुहुन्छ ?

अहिले हामीहरु ३२ जना छौँ, यो संख्या वर्षेनी बढ्ने अवस्था पनि हुन्छ । किनभने दाङ महिला जेसिजको काम, उद्देश्य देखेरे धेरै दिदीबहिनी महिलाहरु आउनुहुन्छ । अहिले पनि मेरो कार्यकालमा पनि महिलाको संख्या वृद्धि गर्ने काम हुन्छ पक्कै पनि ।

८.घरपरिवारको साथ र सहयोग कस्तो छ ?

म यो स्थानसम्म आइपुग्नुमा मेरो परिवारको नै महत्वपूर्ण साथ छ । मेरो परिवारमा मेरो श्रीमानको साथ, हौसलाले म यो स्थानमा आइपुगेको छु । २÷४ जना अगाडी बोल्न नसक्ने मान्छे आज नेतृत्व समाहल्न सक्ने भएकी छु ।

यो सबै मेरो श्रीमानको मायाँ, साथलै नै हो । महिलालाई परिवार र श्रीमानको साथ नभए अघि बढ्न सम्भव नै छैन् ।

अन्त्यमा…

अन्त्यमा सम्झिनुभएकोमा राजमार्ग अनलाईन परिवारलाई धन्यवाद ।