भुकम्प पिडित विद्यार्थीहरुलाई सोलार बितरण

दाङ, ३१ वैशाख । तुलसीपुर मेट्रो कलेजमा अध्ययनरत जाजरकोट र पश्चिम रुकुमका विद्यार्थीहरुलाई सोलार वितरण गरिएको छ । भुकम्पले घरमा क्षति गरेर बत्ति नभएका विद्यार्थीहरुलाई लक्षित गरेर सोलार बितरण गरिएको कलेज प्रमुख वसन्त आचार्यले जानकारी दिनुभयो । कलेजमा अध्ययनरत २३ जना विद्यार्थीहरुलाई सोलार वितरण गरिएको पनि उहाँले बताउनुभयो ।

Blog Post Ad

भुकम्पमा परेर घरमा बिजुली नभएका विद्यार्थीहरुलाई अध्ययन गर्नमा असहजता नहोस् भन्नका लागि सहयोग गरिएको कलेज प्रमुख आचार्यले बताउनुभयो ।

Blog Post Ad

सोलार वितरण कार्यक्रममा बोल्दै आर्ट अफ लिभिङका प्रोजेक्ट म्यानेजर किशोर कुमार झाले विद्यार्थीहरुको पढ्न पाउने अधिकारलाई मध्यनजर गरेर सोलार वितरणमा सहयोग गरिएको जानकारी दिनुभयो । उहाँले प्राविधिक शिक्षा प्रदान गर्ने शिक्षालयहरुलाई प्रोजेक्टमार्फत सहयोग गरिएको पनि बताउनुभयो।

कार्यक्रममा माध्यमिक विद्यालय सेन्टरका प्रधानाध्यापक भागवत पौडेल, गोरखा मावि तुलसीपुरका प्रधानाध्यापक विजय जिएम लगायतले शुभकामना मन्तव्य राखनु भएको थियो ।