अनमोल केसीको फिल्ममा किन डेव्यु नायिका मात्र ? (सुचिसहित)

 

Buddha International Hospital

नायक अनमोल केसी सदाबहार नायक भुवन केसीका सुपुत्र हुन् । अनमोलले सन् २०१३ मा रिलिज भएको सुनिल रावलको फिल्म ‘होस्टेल’बाट नेपाली फिल्म क्षेत्रमा डेव्यु गरेका हुन् । पछिल्लो समय युवा पुस्तामाझ निकै लोकप्रिय अनमोलका भागमा सधै नयाँ अनुहार अर्थात नव नायिकाहरु पर्दै आइरहेका छन् । उनको आठौं प्रोजेक्ट ‘ब्याचलर बन्टी’मा पनि अव नव नायिका भित्रिने भएकी छिन् । उनी फेरि एकपटक नयाँ हिरोइनसँग जोडी बाँधिदै छन् ।

Advertise with us

हरेक फिल्ममा नयाँ हिरोइनसँग रोमान्स गर्दै आइरहेका सुपरस्टार अनमोल केसी आठौं प्रोजेक्ट ‘ब्याचलर बन्टी’मा भने मिस एसिया २०१७ को बिजेता साथै मोडल उकुसा गिरीसँग रोमान्स गर्ने भएका छन् । यो संयोग मात्र हो कि अनमोलको माग यस्तै थियो यो विषयमा भने सबै अनविज्ञ छन् । तर जे होस उनीसँग जोडी बाधिएका सबै नायिकाहरुलाई भने अनमोलले पार लगाई दिएका छन् । सबै नायिकाहरु यतिबेला फिल्म क्षेत्रमै सक्रिय छन् । को को थिए त ती भाग्यमानी ७ नायिकाहरु ? जो अनमोलसँग जोडी बाधिएका थिएः

१) होस्टेल

फिल्म होस्टेल अनमोल केसी अभिनित डेव्यु फिल्म हो । यसै फिल्मबाट नायकका रुपमा उनी रजतपटमा भित्रिएका हुन् । यस फिल्ममा उनी नायिका रिस्ता बस्नेतसँग रोमान्स गरेका छन् । यो फिल्म रिस्ताको पनि डेव्यु फिल्म थियो ।

२) जेरी

फिल्म जेरी अनमोल अभिनित दोस्रो फिल्म हो । यो फिल्ममा पनि उनी नायिका आना शर्मासँग जोडी बाधिएका छन् । आनाको यो डेव्यु फिल्म थियो । यस फिल्म ‘जेरी’को सुटिङ समय देखि रिलिज समयसम्म आना र अनमोल प्रेम सम्बन्धमा रहेको हल्ला समेत फिल्म क्षेत्रमा थियो ।

३) ड्रिम्स

ड्रिम्स अनमोल अभिनित तेस्रो फिल्म हो । यस फिल्ममा अनमोल साम्राज्ञी राज्यलक्ष्मि शाहसँग जोडि बाधिएका छन् । यस फिल्म साम्राज्ञीको डेव्यु फिल्म थियो । यो जीडीलाई दर्शकले निकै रुचाएका पनि थिए । अझै यी दुई जोडीलाई दर्शक पर्दामा हेर्न इच्छुक छन् ।

४) गाँजलु

फिल्म गाँजलु अनमोल अभिनित चौथो फिल्म हो । यस फिल्ममा अनमोल पुर्व मिस नेपाल सृष्टि श्रेष्ठसँग जोडी बाधिएका छन् । यो श्रृष्टिको डेव्यु फिल्म हो । कुमारिको कथामा बनेको यस फिल्म बक्सअफिसमा ठिकठाककै रह्यो ।

५) कृ

फिल्म कृ अनमोल अभिनित पाँचौ फिल्म हो । यस फिल्ममा अनमोल मोडल अदिति बुढाथोकीसँग जोडी बाधिएका थिए । यो फिल्म अदितिको डेव्यु फिल्म हो । यस फिल्ममा अनमोलले शुभचिन्तकहरुबाट लुक्स र मेहनतको खुव तारिफ समेत पाए ।

६) क्याप्टेन

फिल्म क्याप्टेन अनमोल अभिनित छैटौं फिल्म हो । यस फिल्ममा उनी उपसना सिंह ठाकुरसँग जोडी बाधिएका छन् । यो उपसनाको डेव्यु फिल्म हो । यस फिल्मकोे पोष्ट पोड्रक्सनको काम भइरहेको छ । फिल्म प्रर्दशनको क्रममा छ ।

७) ए मेरो हजुर ३

फिल्म ए मेरो हजुर ३ अनमोल अभिनित सातौ फिल्म हो । यस फिल्म उनी नायिका तथा निर्देशक झरना थापाकी छोरी सुहाना थापासँग जोडी बाधिएका छन् । सुहानाको यो डेव्यु फिल्म हो ।By News24Nepal.TV

Advertise with us