तुलसीपुर उपमहानगरपालिकाले भवन अभिलेखीकरण गर्दै

तुलसीपुर उपमहानगरपालिका भित्र रहेका सम्पूर्ण घरहरुको अभिलेखीकरण गरिने भएको छ । उपमहानगरपालिकाले पुराना भवनहरुको अभिलेख व्यवस्थापन सम्बन्धि निर्देशिका २०७५ वनाएर नयाँ पुराना सबै घरको अभिलेखिकरण गर्न लागेको हो ।

Buddha International Hospital

Advertise with us

कार्यविधि अनुसार भवन संहिता २०७२ लागु हुनु पूर्व निर्माण भएको तर तत्कालिन सडक तथा अन्य निर्धारण गरेको मापदण्ड पुरा नभएको भवनको अभिलेखिकरण मात्रै गरिने भएको छ ।


उपमहानगरपालिकाका शाखा अधिकृत टंक गौतमका अनुसार अभिलेखिकरण भएका घरहरुले नक्सा पास गरेको भवन सरह विभिन्न निकायवाट पाउने सुविधामा कुनै कमी हुने छैन । “वैकहरुले कहिलेकाही अभिलेखिकरण गरेको मात्रै घरलाई ऋण दिदा मुल्यांकन कम गर्न सक्छ त्यो भन्दा केही पनि फरक छैन ” अधिकृत गौतमले जानकारी दिए ।

अभिलेखिकरण भएको घरमा तला थपका लागि भने उपमहानगरपालिकाले अनुमति दिन नसक्ने पनि कार्यविधिमा उल्लेख गरिएको छ । यसैगरी भवन संहिता लागु भइसकेपछि निर्माण भएका र भवन निर्माण संहिता, सडक मापदण्ड र अन्य प्रचलित कानुन वा मापदण्ड पुरा भएको अवस्थामा प्राविधिकको सिफारिसमा नक्सा स्वीकृत गरेर सम्पन्न प्रमाण पत्र उपलब्ध गराउने कार्यविधिमा उल्लेख गरिएको छ ।

यसैगरी भवन संहिता लागु भैसकेपछि उपमहानगरपालिकाबाट सिफारिस लिएका तर भवन निर्माण सम्पन्नको कागजात नलिएको भएमा वडा कार्यालय र प्राविधिकको सिफारिसमा कागजात उपलब्ध गराइने पनि कार्यविधिमा उल्लेख गरिएको छ । “भवन निर्माणका लागि प्रक्रिया सुरु गरेका तर काम सम्पन्न भएपछि कागजात नलिएकाहरुका लागि यस्तो व्यवस्था गरिएको हो ” इन्जिनियर पवन योगीले जानकारी दिए ।

तुलसीपुर उपमहानगरपालिका हुनुभन्दा अगाडि विभिन्न गाविसमा निर्माण भएका भवनहरुका वारेमा पनि कार्यविधिमा उल्लेख गरिएको छ । भवन संहिता लागु भइसकेपछि निर्माण भएका तर संहिता पालना नगरेको हकमा घरको अवस्थालाई जनाउने गरी अभिलेखीकरण गर्ने पनि उल्लेख गरिएको छ । कार्यविधिमा २०७५ साउन १ गतेदेखि भवन संहिता २०७२ वमोजिम निर्माण नभएका घर संरचनालाई नक्सापास नगरिने पनि उल्लेख गरिएको छ । “त्यसरी निर्माण भएका कुनै घर छन् भने हामीलाई जानकारी भएमा तत्काल नियमानुसार कारवाही गर्नेछौ” कार्यवाहक नगरप्रमुख सुर्यवहादुर डाँगीले वताए ।

घर निर्माणको प्रक्रिया सुरुको कागजात लिने तर काम नगर्ने प्रवृत्तिलाई निरुत्साहित गर्नका लागि पनि कार्यविधिमा विशेष व्यवस्था गरिएको छ । २०७५ साउन १ गतेदेखि लागु हुनेगरी नक्सापासको लागि जुन मितिमा दर्ता गरिएको हो सोही मितिको एक वर्षभित्रमा आंशिक नक्सापासको प्रमाणपत्र लिइसक्नुपर्ने उल्लेख गरिएको छ ।

यसैगरी साविक गाविसहरुमा निर्माण भएका कच्ची घरहरुको नक्सा निर्माण गर्नु अनिवार्य गरिएको छैन । यस्ता घरहरुलाई ५ सय रुपैया अभिलेखीकरण शुल्क तिरेर अभिलेखीकरण गरिने पनि उल्लेख गरिएको छ ।

Advertise with us