अवैधउत्खन्न गर्दै गरेका ८ टेक्ट्रर नियन्त्रण

जिल्ला समन्वय समिति दाङले नदी र खोलाबाट अवैध रुपमा नदीजन्य पदार्थ उत्खनन गरिरहेका ८ वटा टेक्ट्रर नियन्त्रणमा लिएको छ ।
समन्वय समितिका प्रमुख जितेन्द्रमान नेपाली र उपप्रमुख श्रीधर शर्मा पौडेलको नेतृत्वमा गएको भिन्दा भिन्दै टोलीले तुलसीपुर उपमहानगरपालिका सुकौरा क्षेत्र र दंगीशरण गाउँपालिकाको बबई दोभानबाट ती टेक्ट्रर नियन्त्रणमा लिएको थियो ।
प्रमुख नेपालीको नेतृत्वमागएको टोलीले दंगीशरण गाउँपालिकाको ववइनदीको दोभान क्षेत्रबाट अवैध रुपमा नदीजन्य पदार्थ उत्खनन गरिरहको ४ टेक्टर नियन्त्रणमा लिएको थियो । नियन्त्रणमा लिएका टेक्ट्रर प्रहरीलाई जिम्मा लगाईको छ ।

Advertise with us
त्यसैगरेर समन्वय समितिका उपप्रमुख पौडेललको नेृतृत्वमा गएको अर्को टोलीले तुलसीपुर उपमहानगरपालिकाको सुकौरा क्षेत्रबाट अवैध उन्खनन गरिरहेका ४ वटा टेक्ट्रर नियन्त्रणमा लिएको थियो । नियन्त्रणमा लिएका टेक्ट्ररलाई प्रहरीको जिम्मा लगाएको उपप्रमुख पौडेलले बताए ।


यसैबीच दुवै टोलीले तुलसीपुर र दंगीशरणको खोला र बबई नदीमा गरेर १७ ठाउँमा प्रारम्भिक वातावरणीय परीक्षणको लागि स्थलगत अनुगमन समेत गरेको छ ।
स्थानीयतहले प्रारम्भिकवातावरणीय परीक्षणको लागि जिल्ला समन्वय समितिलाई अनुरोध गरेपछि समन्वय समितिले स्थलगत अनुगमन गरेको हो । प्रमुख नेपालीको नेतृत्वमा गएको टोलीमा दंगीशरण गाउँपालिका प्रमुख भागीराम चौधरी, जिल्ला समन्वय समिति सदस्य जुक्तबहादुर बस्नेत, लोका विश्वकर्मा, दंगीशरण गाउँपालिका प्रमुख प्रशासकिय अधिकृत मार्षल वली र प्राविधिकहरु थिए ।
त्यसैगरेर जिल्ला समन्वय समितिका उपप्रमुख पौडेलको नेतृत्वको टोलीमा तुलसीपुर उपमहनगरपालिकाका विभिन्न वडाका वडा अध्यक्ष र प्राविधिकहरु थिए ।

Buddha International Hospital

Advertise with us