धुलिखेल अस्पतालमा मृत्यु भएकी महिलामा कोरोना संक्रमण पुष्टि

धुलिखेल अस्पतालमा मृत्यु भएकी सुत्केरी महिलामा कोरोना संक्रमण रहेको पुष्टि भएको छ। स्वासप्रस्वासमा समस्या देखिएपछि ती महिलालाई बिहीबार अस्पताल ल्याइएको अस्पतालको भेन्टिलेटरमा राख्ने क्रममा उनको निधन भएको थियो।

ती महिलको शनिबार राष्ट्रिय जनस्वास्थ्य प्रयोगशालामा गरिएको स्वाब परीक्षणको रिपोर्ट पोजेटिभ आएको स्वास्थ्य मन्त्रालयका एक अधिकारीले जानकारी दिए।

Buddha International Hospital

‘धुलिखेल अस्पतालमा मृत्यु भएकी महिलामा कोरोना संक्रमण रहेको राष्ट्रिय जनस्वास्थ्य प्रयोगशालाको रिपोर्टले देखाएको छ’, ती अधिकारीले नेपालखबरसँग भने, ‘धुलिखेल अस्पतालमा गरिएको उनको पीसीआर परीक्षणको रिपोर्ट पनि पोजेटिभ नै आएको थियो।’ उनले धुलिखेल अस्पतालपछि जनस्वास्थ्य प्रयोगशालामा गरिएको परीक्षणमा पनि कोरोना पोजेटिभ देखिएको बताए।

Advertise with us

उनले महिलाको मृत्युको कारण कोरोना भए नभएको बारे थप अनुसन्धान हुने बताए। ‘मृत्यु भएकी महिलामा कोरोना पुष्टि भएको छ, तर उनको मृतयुको कारण कोरो हो वा अरु नै हो भन्ने बारेमा थप अनुसन्धान हुँदैछ’, ती अधिकारीले भने। उनले महिलाको शवको पोस्टमार्टम गरिने बताए।

नेपाल खबरबाट

Advertise with us