कालापानीमा पुगेको सशस्त्रको गस्ती (फोटोफिचर)

भारतले मिचेको नेपाली भुमी कालापानी नजिकै सशस्त्र प्रहरी र नेपाल प्रहरीले आ‐आफ्नो सुरक्षा पोष्टहरु स्थापना गरेको छ । सिमा क्षेत्रमा हुने अवैध गतिविधि नियन्त्रण तथा सिमा रक्षाका लागी सुरक्षा पोष्टहरु राखिएको सम्बन्धित सुरक्षा निकायका प्रमुखहरुले बताएका छन् ।

TMart

बुधबार नेपाली सेनाको हेलिकप्टर मार्फत सशस्त्र प्रहरी निरिक्षक लिलिबहादुर चन्दको नेतृत्वमा ब्याँस गाउँपालिका‐१ छाङरुमा सशस्त्र प्रहरीले आफ्नो बिओपी स्थापना गरेको छ । सशस्त्र प्रहरीले सितापुल, तिंकर, छाङरु लगायतका क्षेत्रमा सिमा गस्ती गरिरहेको सशस्त्र प्रहरी बल नेपाल नम्बर ५० गुल्म हेडक्वाटर दार्चुलाका गुल्मपति डम्बरबहादुर बिष्टले जानकारी दिनुभयो ।