‘गर्भवतीलाइ नुन’ कार्यक्रम प्रभावकारी

सल्यान, २२ । सल्यानमा गर्भ जाँच गराउँदा एक किलो नुन वितरण कार्यक्रम प्रभावकारी देखिएको छ । जिल्लाको त्रिवेणी गाउँपालिकाले गत वर्षदेखि शुरु गरेको यो कार्यक्रमको नतीजा उपलव्धीपूर्ण देखिएको हो ।

Buddha International Hospital

Advertise with us

प्रत्येक पटकको भर्ग जाँचमा एक किलो आयोडिन नुन गाउँपालिकाले स्वास्थ्य संस्थामार्फत प्रदान गर्न थालेपछि हिजोआज चार पटक गर्भ जाँच गर्ने महिलाको संख्यामा उल्लेख्य बृद्धि भएको स्वास्थ्य शाखा लुहामले जनाएको छ । स्वास्थ्य शाखाका इन्चार्ज प्रभात कुमार श्रेष्ठले बढिमा ४३ प्रतिशत गर्भवती महिलाले मात्रै स्वास्थ्य संस्थामा चार पटक जाँच गर्ने गरेकामा नुन वितरण गर्न थालेपछि यो दर बढेर ८२ प्रतिशत पुगेको बताए ।

‘गत आर्थीक वर्ष २ सय २० जना महिलाले स्वास्थ्य संस्थामै आएर चार पटक सम्म गर्भ जाँच गराएका छन् । उनीहरुलाइ त्रिवेणी गाउँपालिकाले एक हजार ४० किलो आयोडिन नुन वितरण गरेको छ,’ उनले भने । पहिलेका वर्षमा गर्भवती महिलाहरु स्वास्थ्य चौकीमा नआउने, आए पनि जानेबुझोका, केही शिक्षित परिवारमा महिलाहरु मात्र आउने गरेको श्रेष्ठको अनुभव छ ।

गर्भ जाँच गराउँदा एक किलो आयोडिन नुन निःशुल्क वितरण गर्ने कार्य निरन्तर अगाडी बढाइने जनाउँदै त्रिवेणी गाउँपालिकाका अध्यक्ष मान बहादुर डाँगीले यो कार्यक्रम लागू भएपछि आफ्नो गाउँपालिकामा नवजात शिशु तथा मातृ मृत्युदर शुन्यमा झरेको बताए । यसका लागी गाउापालिकाले सुत्केरि प्रोत्साहन स्वरुप ५ सय र न्यानो झोला वितरण कार्य पनि गरिरहेको उनले जनाए ।

पछिल्लो समय गाउँगाउँमा मानिसको चेतना स्तरमा क्रमिक बृद्धि हुँदै गएको र ढिका नुन प्रयोग गर्नेहरुले पनि आयोडिन नुन खानामा प्रयोग गर्न थालेको गाउँपालिका उपाध्यक्ष करुणा खड्काले बताइन् । उनले भनिन्, ‘हामीले गर्भवती महिलाको लागी ल्याएको कार्यक्रमले दिदि वहिनीहरु निकै खुसि हुनुहुन्छ । स्वास्थ्य संस्थामा गएर नियमित जाँच गराउने र प्रसुति गृहमा नै गएर सुत्केरी हुनेको संख्या बढेको देख्दा हामी निकै खुसि भएका छौँ ।’

गाउँपालिकाले कार्यक्रम शुरु गरेपछि अहिले आयोडिन नुनको महत्व बुझेको जनाउँदै त्रिवेणी गाउापालिका वडा नम्बर ६ की गिता केसीले कुनै पनि महिलाको ज्यान जोखिममा नपरोस् भनेर गाउँपालिकाले एम्बुलेन्स सेवा पनि सञ्चालन गर्नुपर्ने बताइन् । यता गाउँपालिकाका प्रमुख प्रशसकीय अधिकृत रेमन्त बहादुर डाँगीले अवको एक महिना पछि एम्बुलेनस सेवा पनि शुरु हुने जानकारि गराए ।

Advertise with us